| e-texts navigator |
| Wylie |
123b1 ཀྱང་མཆོག་ཏུ་མི་འཛིན་ཏོ། །མཆོག་ཏུ་མི་འཛིན་པས་བདག་ཉིད་མྱ་ངན་ལས་འདས་པར་རིག་ནས། ཀུན་འབྱུང་ཚོར་བ་རྣམས་ནུབ་བར་ཐུགས་སུ་ཆུད་ནས་འདི་ནི་སྡུག་བསྔལ་ལོ། །
123b2 འདི་ནི་སྡུག་བསྔལ་ངེས་པར་འབྱིན་པའོ་ཞེས་བྱ་བ་མཁྱེན་ཏོ། །དགེ་སློང་དག་།གང་དག་ཆོས་གཞན་ཟབ་པ་ཟབ་པར་སྣང་བ་ཞེས་བྱ་བ་སྔ་མ་བཞིན་ནོ། །དགེ་སློང་དག་།ཆོས
123b3 གང་དག་གཞན་ཟབ་པ་ཟབ་པར་སྣང་བ་ནས། དེ་དག་གང་ཞེ་ན། ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་དག་།དགེ་སྦྱོང་དང་། བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིག་།
123b4 མཐའ་ཡོད་པ་དང་། མཐའ་མེད་པ་པ་སྟེ། བདག་དང་། འཇིག་རྟེན་ནི་མཐའ་ཡོད་བའང་མ་ཡིན། མཐའ་མེད་པའང་མ་ཡིན་ཞེས་མངོན་པར་སྨྲ་ཞིང་མངོན་པར་བརྗོད་པ་དེ་དག་ཡོད་པ
123b5 ནི|་འདི་ལྟ་སྟེ། གཞི་བཞི་པོ་དག་ལའོ། །དགེ་སྦྱོང་དང་། བྲམ་ཟེ་ཤེས་ལྡན་དེ་དག་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་།
123b6 མཐའ་ཡོད་པ་དང་། མཐའ་མེད་པ་སྟེ། བདག་དང་། འཇིག་རྟེན་ནི་མཐའ་ཡོད་པའང་མ་ཡིན། མཐའ་མེད་པའང་མ་ཡིན་ཞེས་མངོན་པར་སྨྲ་ཞིང་མངོན་པར་བརྗོད་པ་ནི། འདི
123b7 ལྟ་སྟེ|་གཞི་བཞི་པོ་དག་ལའོ། །དགེ་སློང་དག། འདི་ནི་དགེ་སྦྱོང་དང་བྲམ་ཟེ་ཤེས་ལྡན་གཅིག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ། བརྩོན་པའི
iiif viewer powered by OpenSeadragon
