| e-texts navigator |
| Wylie |
122b1 མངོན་པར་བརྗོད་པ་ནི། འདི་ལྟ་སྟེ། གཞི་གཉིས་པོ་དག་ལའོ། །དགེ་སྦྱོང་དག་།གཟུགས་ཀྱི་ཁམས་ན། འདུ་ཤེས་མེད་པའི་སེམས་ཅན་གྱི་ལྷ་རྣམས་ཀྱི་འདུ་ཤེས་འབྱུང་བའི་ཕྱིར།
122b2 སེམས་ཅན་དེ་དག་གནས་དེ་ནས་ཤི་འཕོ་བར་འགྱུར་ལ། ཇི་ལྟར་སེམས་ཅན་འགའ་ཞིག་གནས་དེ་ནས་ཤི་འཕོས་ནས་འདིར་མི་རྣམས་དང་སྐལ་པ་མཉམ་པར་འགྱུར་ཞེས་བྱ་བ
122b3 ནས|་སྔོན་འདུ་ཤེས་འབྱུང་བ་དེ་ཡང་དག་པར་རྗེས་སུ་དྲན་ནོ་ཞེས་བྱ་བའི་བར་དུ་སྔ་མ་བཞིན་ནོ། །འདི་སྙམ་དུ་སེམས་ཏེ། བདག་དང་། འཇིག་རྟེན་རྒྱུ་མེད་པ་ལས་འབྱུང་བ་དེའི
122b4 ཕྱིར|་དེས་ན་བདག་ནི་འདི་སྙམ་དུ་བདག་དང་། འཇིག་རྟེན་རྒྱུ་མེད་པ་ལས་བྱུང་བས་བདག་སྔོན་ཆད་མ་བྱུང་ལ། ད་ལྟར་བྱུང་ངོ་སྙམ་པ་ནི་གཞི་དང་པོ་སྟེ། ཅི་ལ་རྟེན་ཅིང་ཞེས་བྱ
122b5 བ་དག་ནི་སྔ་མ་བཞིན་ནོ། །གཞི་གཉིས་པ་དག་ནི། དགེ་སློང་དང་། བྲམ་ཟེ་ཤེས་ལྡན་ཅི་ལ་རྟེན་ཅིང་། ཅི་ལ་གནས་ནས་ཞེས་བྱ་བ་དག་ནི་སྔ་མ་བཞིན་ནོ། །འདི་ན་ཁ་ཅིག་དཔྱོད་པ་ཅན
122b6 རྟོག་གར་ཞུགས་པའི་ས་ལ་གནས་པ། རང་གི་སྤོབས་པ་ལས་བྱུང་བ། སོ་སོའི་སྐྱེ་བོ་པ། རྟོག་གེའི་རྗེས་སུ་འབྲང་བ་དེ། འདི་སྙམ་དུ་སེམས། བདག་དང་། འཇིག་རྟེན་རྒྱུ་མེད
122b7 པ་ལས་འབྱུང་བ་དེའི་ཕྱིར། དེས་ན་བདག་ནི་འདི་སྙམ་དུ་བདག་དང་། འཇིག་རྟེན་རྒྱུ་མེད་པ་ལས་བྱུང་བས། བདག་ནི་རྟོག་གེ་པ། དཔྱོད་པ་ཅན། རྟོག་གེར་ཞུགས་པའི་ས་ལ་གནས
iiif viewer powered by OpenSeadragon
