| e-texts navigator |
| Wylie |
121b1 ཟད་པ་ཞིག་གནས་དེ་ནས་ཤི་འཕོས་ནས་འདིར་མི་རྣམས་དང་སྐལ་བ་མཉམ་པར་འགྱུར་ལ། དེ་དབང་པོ་རྣམས་ཡོངས་སུ་སྨིན་ཅིང་ནར་སོན་པའི་རྒྱུས་ན་ཞེས་བྱ་བ་ནས། སྔོན་གྱི་ལུས
121b2 ཡང་དག་པར་རྗེས་སུ་དྲན་ནོ་ཞེས་བྱ་བའི་བར་དུ་སྔ་མ་བཞིན་ནོ། །དེ་འདི་སྙམ་དུ་སེམས་ཏེ། འདོད་པའི་ཁམས་ན་གང་ལྷ་ཡིད་འཁྲུག་ཅེས་བྱ་བ་དེ་དག་གི་ནང་ནས་གང་དག་མིག་གིས
121b3 མིག་ཚུགས་སུ་ཤིན་ཏུ་མི་ལྟ་བ་དེ་དག་རྟག་པའོ། །བརྟན་པའོ། །ཐེར་ཟུག་པའོ། །མི་འགྱུར་བའི་ཆོས་ཅན་ནོ་སྙམ་མོ། །ཡང་བདག་ཅག་ནི་ཤིན་ཏུ་མིག་གིས་མིག་ཚུགས་སུ་ལྟ་བ་དང་།
121b4 ལྡན་པས། བདག་ཅག་ནི་མི་རྟག་པའོ། །མི་བརྟན་པའོ། །ཡིད་བརྟན་དུ་མི་རུང་བའོ། །རྣམ་པར་འགྱུར་བའི་ཆོས་ཅན་ནོ་སྙམ་མོ། །དེ་ལྟར་ན་ཁ་ཅིག་ནི་རྟག་ལ་ཁ་ཅིག་ནི་མི་རྟག་པ
121b5 སྟེ|་ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་། ཁ་ཅིག་ནི་རྟག་པ་བ་སྟེ། བདག་དང་། འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ
121b6 ཞིང་མངོན་པར་བརྗོད་པ་འདི་ནི་གཞི་བཞི་པའོ། །དགེ་སློང་དག་།དགེ་སྦྱོང་དང་བྲམ་ཟེ་ཁ་ཅིག་སྔོན་གྱི་མཐའ་ལ་རྟོག་ཅིང་། བདག་དང་། འཇིག་རྟེན་ཁ་ཅིག་རྟག་གོ་ཞེས་མངོན་པར
121b7 སྨྲ་ཞིང་མངོན་པར་བརྗོད་པ་དེ་ཐམས་ཅད་ནི། གཞི་བཞི་པོ་འདི་དག་ལ་སྟེ། དེ་ལས་མི་ལྷག་མི་མང་ལ་དེ་ལྟར་ལྟ་བར་སོང་བ་འདི་དག་འདི་ལྟར་འཛིན་པ་དེ་དག་དེ་བཞིན་གཤེགས
iiif viewer powered by OpenSeadragon
