| e-texts navigator |
| Wylie |
121a1 དུ་སེམས་ཏེ། འདོད་པའི་ཁམས་ན་གང་ལྷ་རྩེད་མོས་མྱོས་ཞེས་བྱ་བ་དག་གི་ནང་ནས་གང་དག་རྩེ་དགའ་རངས་པ་དང་ཤིན་ཏུ་མི་ལྡན་པར་འཁོད་དེ། དེ
121a2 དག་ནི་རྟག་པའོ། །བརྟན་པའོ། །ཐེར་ཟུག་པའོ། །རྣམ་པར་མི་འགྱུར་བའི་ཆོས་ཅན་ཡིན་ནོ་སྙམ་མོ། །ཡང་བདག་ཅག་ནི་ཤིན་ཏུ་རྩེ་དགའ་རངས་པ་དང་ལྡན་པའི་སེམས་ཀྱིས
121a3 གནས་པས་བདག་ཅག་ནི་མི་བརྟག་པའོ། །མི་བརྟན་པའོ། །ཐེར་ཟུག་མ་ཡིན་པའོ། །ཡིད་བརྟན་དུ་མི་རུང་བའོ། །རྣམ་པར་འགྱུར་བའི་ཆོས་ཅན་ནོ་སྙམ་མོ། །དེ་ལྟར་ན་ཁ་ཅིག་ནི
121a4 རྟག་ལ་ཁ་ཅིག་ནི་མི་རྟག་པ་སྟེ། ཅི་ལ་རྟེན་ནས་ཞེས་བྱ་བ་ནི་སྔ་མ་བཞིན་ཏེ། འདི་ནི་གཞི་གསུམ་པའོ། །བཞི་པ་ནི། དགེ་སྦྱོང་དང་། བྲམ་ཟེ་ཤེས་ལྡན་ཅི་ལ་རྟེན་ཅིང་ཅི་ལ
121a5 གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་ཁ་ཅིག་ནི་ཆགས་པ་སྟེ། བདག་དང་། འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད
121a6 པ་ནི|་དགེ་སློང་དག། འདོད་པའི་ཁམས་ན་ལྷ་ཡིད་འཁྲུག་ཅེས་བྱ་བ་དག་ཡོད་དེ། དེ་དག་གང་གི་ཚེ་ཤིན་ཏུ་མིག་གིས་མིག་ཚུགས་སུ་ལྟའོ། །དེ་དག་ཤིན་ཏུ་མིག་གིས་མིག
121a7 ཚུགས་སུ་ལྟ་བ་ན། ཡིད་འཁྲུག་ཅིང་ཡིད་ཁྲོས་པས་སེམས་ཅན་དེ་དག་གནས་དེ་ནས་ཤི་འཕོ་བར་འགྱུར་རོ། །ཇི་སྟེ་སེམས་ཅན་འགའ་ཚེ་ཟད་ཅིང་ལས་ཟད་ལ་བསོད་ནམས
iiif viewer powered by OpenSeadragon
