| e-texts navigator |
| Wylie |
120b1 བཅས་ཏེ། སྔོན་གྱི་མཐའ་ལ་རྟོག་ཅིང་། ཁ་ཅིག་ནི་རྟག་པ་པ་སྟེ། བདག་དང་། འཇིག་རྟེན་ཁ་ཅིག་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ནི། དགེ་སློང་དག། འདོད་པའི
120b2 ཁམས་ནི་ལྷའི་རྩོད་མོས་མྱོས་ཞེས་བྱ་བ་དག་ཡོད་དེ། དེ་དག་གང་གི་ཚེ་ཤིན་ཏུ་རྩེ་དགའ་རངས་པ་དང་ལྡན་ཞིང་འཁོད་དེ། རྩེ་དགའ་རངས་པ་ལྡན་པའི་སེམས་ཅན་དེ་དག་གི་ནང
120b3 ནས། ལུས་དུབ་ཅིང་དྲན་པ་རྨོངས་ལ་དྲན་པའི་སེམས་ཅན་གནས་དེ་ནས་ཤི་འཕོས་ནས་འགྱུར་རོ། །འདི་ལྟ་སྟེ། སེམས་ཅན་འགའ་ཚེ་ཟད་ལ་བསོད་ནམས་ཟད་པ་འགའ་ཞིག
120b4 གནས་དེ་ནས་ཤི་འཕོས་ནས། འདིར་མི་རྣམས་དང་སྐལ་བ་མཉམ་པར་འགྱུར་ལ། དབང་པོ་ཡོངས་སུ་སྨིན་ཅིང་ནར་སོན་པའི་རྒྱུས་ན། སྐྲ་དང་། ཁ་སྤུ་བྲེགས་ཏེ། གོས་ངུར་སྨྲིག
120b5 བགོས་ནས། ཡང་དག་པ་ཉིད་ཀྱི་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་སྟེ། དེ་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ།
120b6 བརྩོན་པའི་རྒྱུ་ལས་བྱུང་བ་དང་། སྤོང་བའི་རྒྱུ་ལས་བྱུང་བ་དང་། སྒོམ་པའི་རྒྱུ་ལས་བྱུང་བ་དང་། ལན་མང་དུ་བྱེད་པའི་རྒྱུ་ལས་བྱུང་བ་དང་། ཡང་དག་པ་ཡིད་ལ་བྱེད་པ་དག
120b7 གི་རྒྱུ་ལས་བྱུང་བདག་གིས། སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་མཉམ་པར་བཞག་པ་ན། སྔོན་གྱི་ལུས་དེ་ཡང་དག་པར་རྗེས་སུ་དྲན་ནོ། །དེ་འདི་སྙམ
iiif viewer powered by OpenSeadragon
