| e-texts navigator |
| Wylie |
119a1 པོའོ|་|འབྱིན་པ་པའོ། །འབྱིན་བྱེད་དོ། །སྙམ་མོ། །དེ་ནས་སེམས་ཅན་འགའ་ཚེ་ཟད་ཅིང་། ལས་ཟད་ལ་བསོད་ནམས་ཟད་པ་ཞིག་གནས་དེ་ནས་ཤི
119a2 འཕོས་ནས་འདིར་མི་རྣམས་དང་སྐལ་བ་མཉམ་པར་གྱུར་ལ། དེ་དབང་པོ་རྣམས་ཡོངས་སུ་སྨིན་ཅིང་ནར་སོན་པའི་རྒྱུས་ན། སྐྲ་དང་། ཁ་སྤུ་བྲེགས་ཏེ། གོས་ངུར་སྨྲིག་བགོས་ནས།
119a3 ཡང་དག་པ་ཉིད་ཀྱི་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ། བརྩོན
119a4 པའི་རྒྱུ་ལས་བྱུང་བ་དང་། སྤོང་བའི་རྒྱུ་ལས་བྱུང་བ་དང་། སྒོ་པའི་རྒྱུ་ལས་བྱུང་བ་དང་། ལན་མང་དུ་བྱེད་པའི་རྒྱུ་ལས་བྱུང་བ་དང་། ཡང་དག་པ་ཡིད་ལ་བྱེད་པ་དག་གི་རྒྱུ
119a5 ལས་བྱུང་བ་དག་གིས་སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་སེམས་མཉམ་པར་བཞག་པ་ལས་སྔོན་གྱི་ལུས་དེ་ཡང་དག་པར་རྗེས་སུ་དྲན་ནོ། །དེ་འདི
119a6 སྙམ་དུ་སེམས་ཏེ། ཚངས་པ་དེ་ནི་དངོས་པོ་རྣམས་ཀྱི་ཕར་གྱུར་པ་སྟེ། དབང་ཕྱུག་གོ་།བྱེད་པ་པོའོ། །སྤྲུལ་པ་པའོ། །འབྱིན་པ་པའོ། །འབྱིན་བྱེད་དོ། །དེ་ནི་རྟག་པའོ། །བརྟན
119a7 པའོ|་|ཐེར་ཟུག་པའོ། །རྣམ་པར་མི་འགྱུར་བའི་ཆོས་ཅན་ནོ། །ཡང་བདག་ཅག་ནི་ཚངས་པ་དེས་སྤྲུལ་པའི་ཕྱིར་བདག་ཅག་ནི་མི་རྟག་པའོ། །ཡིད་བརྟན་དུ་མི་རུང་བའོ། །རྣམ
iiif viewer powered by OpenSeadragon
