| e-texts navigator |
| Wylie |
118a1 པའི་དུས་ལ་བབ་སྟེ། འཇིག་རྟེན་འཇིག་པ་ན་སེམས་ཅན་ཕལ་ཆེར་འོད་གསལ་གྱི་ལྷའི་རིས་སུ་སྐྱེ་བར་འགྱུར་ཏེ། དེ་དག་དེར་ཡིད་ལས་འབྱུང་ཞིང་།
118a2 གཟུགས་ཅན་ཡིན་ལ་དབང་པོ་དམན་པ་མ་ཡིན་ཞིང་། མ་ཚང་བ་མེད་པ། ཡན་ལག་དང་། ཉིང་ལག་ཐམས་ཅད་དང་ལྡན་ཞིང་ཁ་དོག་མཛེས་པ་དང་ལྡན་པ་རྣམས་རང་གི་མཐུས
118a3 ནམ་མཁའ་ལ་འགྲོ་ཞིང་དགའ་བའི་ཟས་དང་ལྡན་ལ། དགའ་བའི་ཟས་ཟ་བ་དག་ཚེ་རིང་པོར་འཁོད་དོ། །དགེ་སློང་དག་།གང་འཇིག་རྟེན་འདི་ཆགས་པའི་དུས་ལ་བབ་སྟེ། འཇིག
118a4 རྟེན་ཆགས་པ་ན་ནམ་མཁའ་སྟོང་པ་ལ་ཚངས་པའི་གཞལ་མེད་ཁང་དག་མངོན་པར་འགྲུབ་ལ། ཡང་འོད་གསལ་གྱི་ལྷའི་རིས་ཀྱི་སེམས་ཅན་འགའ་ཚེ་ཟད་ཅིང་ལས་ཟད་ལ། བསོད
118a5 ནམས་ཟད་པ་ཞེས་ཤི་འཕོས་ནས། ཚངས་པའི་གཞལ་མེད་ཁང་སྟོང་པར་སྐྱེ། ད་དེ་ན་གཅིག་པུ་ཟླ་མེད་ཅིང་གྲོགས་མེད་པར་ཚེ་རིང་བས་ཡུན་རིང་པོར་གནས་སོ། །དེ་ནས
118a6 སེམས་ཅན་དེ་ཡུན་རིང་པོ་ལས་འདས་པ་དང་། སྲེད་པ་སྐྱེས་ཤིང་མི་དགའ་བར་གྱུར་ཏེ། ཀྱེ་མ། བདག་དང་སྐལ་བ་མཉམ་པའི་སེམས་ཅན་གཞན་ཞིག་འདིར་སྐྱེས་ཀྱང་ཅི་མ
118a7 རུང་ཞེས་སེམས་ཅན་དེའི་སེམས་ཀྱིས་སྨོན་པ་དང་། འོད་གསལ་གྱི་ལྷའི་རིས་ཀྱི་སེམས་ཅན་གཞན་ཚེ་ཟད་ཅིང་ལས་ཟད་ལ་བསོད་ནམས་ཟད་པ་ཞིག་ཤི་འཕོས་ནས་ཚངས་པའི
iiif viewer powered by OpenSeadragon
