| e-texts navigator |
| Wylie |
116b1 བདག་དང་། འཇིག་རྟེན་རྟག་པའོ་ཞེས་མངོན་པར་སྨྲ་ཞིང་། མངོན་པར་བརྗོད་པ་སྟེ། དགེ་སློང་དག་།འདི་ནི་དགེ་སྦྱོང་དང་། བྲམ་ཟེ་ཁ་ཅིག་ཅེས་བྱ་བ་ནས། སེམས་མཉམ་པར་བཞག
116b2 པ་ནས་འཇིག་པ་དང་། ཆགས་པའི་བསྐལ་པ་ཕྲག་བརྒྱད་ཅུ་ཡང་དག་པར་རྗེས་སུ་དྲན་ནོ་ཞེས་བྱ་བའི་བར་དུ་སྔ་མ་བཞིན་པ་དང་། དེ་འདི་སྙམ་དུ་སེམས་ཏེ། བདག་དང་། འཇིག་རྟེན་ནི
116b3 རྟག་པའོ་ཞེས་བྱ་བ་ནས། དེ་ལྟར་ན་སེམས་ཅན་ཤེས་ལྡན་འདི་དག་ནི་ཀུན་ཏུ་རྒྱུག་ཅིང་འཁོར་ལ། རྟག་པ་དེ་ལྟ་བུ་དང་མཚུངས་པ་མེད་པའོ། །རྟག་པར་སྨྲ་བ་རྣམས་ཅི་ལ་རྟེན་ཅིང་།
116b4 ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང་། འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་བར་བརྗོད་པ་འདི་ནི་གཞི་གསུམ་པའོ། །བཞི་པ
116b5 ནི|་དགེ་སྦྱོང་དང་། བྲམ་ཟེ་ཤེས་ལྡན་རྟག་པར་སྨྲ་བ་རྣམས་ཅི་ལ་རྟེན་ཅིང་། ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་རྟོག་ཅིང་བདག་དང་། འཇིག་རྟེན་རྟག་པའོ་ཞེས་མངོན
116b6 པར་སྨྲ་ཞིང་མངོན་པར་བརྗོད་པ་སྟེ། དགེ་སློང་དག་།འདི་ན་དགེ་སྦྱོང་དང་། བྲམ་ཟེ་ཞེས་བྱ་བ་དག་སྔ་མ་བཞིན་ནོ། །སེམས་མཉམ་པར་བཞག་པ་ན་ལྷའི་མིག་རྣམ་པར་དག་པ་མིའི
116b7 ལས་འདས་པས་སེམས་ཅན་འཆི་བ་དང་། སྐྱེ་བ་དང་། ཁ་དོག་བཟང་པོ་དང་། ཁ་དོག་ངན་པ་དང་། དམན་པ་དང་། གྱ་ནོམ་པ་དང་། བདེ་འགྲོ་དང་། ངན་འགྲོ་དང་། ངན
iiif viewer powered by OpenSeadragon
