| e-texts navigator |
| Wylie |
116a1 ཞེས་མངོན་པར་སྨྲ་ཞིང་། མངོན་པར་བརྗོད་པ་སྟེ། དགེ་སློང་དག་།འདི་ནི་དགེ་སློང་དང་། བྲམ་ཟེ་ཤེས་ལྡན་ཅན་རྟག་པར་སྨྲ་བ་རྣམས་དགོན་པ་ན་གནས་ཀྱང
116a2 རུང་|་ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང་། སྤོང་བའི་རྒྱུ་ལས་བྱུང་བ་དང་། སྒོམ་པའི་རྒྱུ་ལས་བྱུང་བ་དང་། ལན་མང
116a3 དུ་བྱེད་པའི་རྒྱུ་ལས་བྱུང་བ་དང་། ཡང་དག་པ་ཡིད་ལ་བྱེད་པའི་རྒྱུ་ལས་བྱུང་བ་དག་གིས་སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་སེམས་མཉམ་པར
116a4 བཞག་པ་ན། འཇིག་པ་དང་། ཆགས་པའི་བསྐལ་པ་ཕྲག་བཞི་བཅུ་ཡང་དག་པར་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། དེའི་ཕྱིར་བདག་དང་། འཇིག་རྟེན་རྟག་པ་དེས་ན། བདག
116a5 འདི་སྙམ་དུ་བདག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་བ་ནས། རྟག་པར་སྨྲ་བ་རྣམས་ཅི་ལ་རྟེན་ཅིང་། ཅི་ལ་གནས་ནས
116a6 ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་། བདག་དང་། འཇིག་རྟེན་རྟག་པའོ་ཞེས་མངོན་པར་སྨྲ་ཞིང་། མངོན་པར་བརྗོད་པ་འདི་ནི་གཞི་གཉིས་པའོ་ཞེས་བྱ་བའི་བར
116a7 དུ་སྔ་མ་བཞིན་ནོ། །གསུམ་པ་ནི། དགེ་སྦྱོང་དང་། བྲམ་ཟེ་ཤེས་ལྡན་རྟག་པར་སྨྲ་བ་རྣམས་ཅི་ལ་རྟེན་ཅིང་། ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་།
iiif viewer powered by OpenSeadragon
