| e-texts navigator |
| Wylie |
115b1 དག་པ་རྗེས་སུ་དྲན་ནོ། །དེ་འདི་སྙམ་དུ་སེམས་ཏེ། དེའི་ཕྱིར་བདག་དང་། འཇིག་རྟེན་རྟག་པ་དེས་ན། བདག་འདི་སྙམ་དུ་བདག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་།
115b2 ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས་བྱུང་བ་དང་། སྤོང་བའི་རྒྱུ་ལས་བྱུང་བ་དང་། སྒོམ་པའི་རྒྱུ་ལས་བྱུང་བ་དང་། ལན་མང་དུ་བྱེད་པའི་རྒྱུ་ལས་བྱུང་བ་དང་། ཡང་དག
115b3 པ་ཡིད་ལ་བྱེད་པའི་རྒྱུ་ལས་བྱུང་བ་དག་གིས། སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱའོ་སྙམ་མོ། །དེ་ལྟར་སེམས་མཉམ་པར་བཞག་པ་ན། འཇིག་པ་དང་། ཆགས་པའི་བསྐལ
115b4 པ་ཕྲག་ཉི་ཤུ་ཡང་དག་པར་རྗེས་སུ་དྲན་ནོ། །དེ་ལྟར་བདག་དང་། འཇིག་རྟེན་རྟག་པ་ནི། མི་འགྲོ་བ་མེད། འགྲོ་བ་མེད་པ། བསྒྱུར་དུ་མི་རུང་པ། ཐེར་ཟུག་ཏུ་གནས་པ། ལྕགས་ཀྱི་སྡོང
115b5 པོ་ལྟར་འདུག་པ་སྟེ། དེ་ལྟར་ན་སེམས་ཅན་ཤེས་ལྡན་འདི་དག་ནི། ཀུན་ཏུ་རྒྱུག་ཅིང་འཁོར་ལ་རྟག་པ་དེ་ལྟ་བུ་དང་མཚུངས་པ་མེད་པའོ། །རྟག་པར་སྨྲ་བ་རྣམས་ཅི་ལ་རྟེན་ཅིང་།
115b6 ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང་འཇིག་རྟེན་རྟག་པའོ་ཞེས་མངོན་པར་སྨྲ་ཞིང་མངོན་པར་བརྗོད་པ་འདི་ནི་གཞི་དང་པོའོ། །གཉིས་པ་ནི།
115b7 དགེ་སྦྱོང་དང་། བྲམ་ཟེ་ཤེས་ལྡན་རྟག་པར་སྨྲ་བ་རྣམས། ཅི་ལ་རྟེན་ཅིང་ཅི་ལ་གནས་ནས། ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་། བདག་དང་། འཇིག་རྟེན་རྟག་པའོ
iiif viewer powered by OpenSeadragon
