| e-texts navigator |
| Wylie |
115a1 ཡོངས་སུ་དག་པ། ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས་མངོན་པར་རྫོགས་པར་སངས་རྒྱས་ནས་བཤད་ལ། ཕ་རོལ་བོས་ཀྱང་དེ་བཞིན
115a2 གཤེགས་པ་ལ་གང་ཡང་དག་པ་ཇི་ལྟ་བ་བཞིན་སྙན་པར་སྨྲ་ཞིང་། རྗོད་པར་བྱེད་པ་གང་ཞེ་ན། དགེ་སློང་དག་།དགེ་སྦྱོང་དང་བྲམ་ཟེ་ཁ་ཅིག་རྟག་པར་སྨྲ་བ་རྣམས་སྔོན་གྱི་མཐའ་ལ
115a3 རྟོག་ཅིང་། བདག་དང་འཇིག་རྟེན་ནི་རྟག་གོ་ཞེས་མངོན་པར་སྨྲ་ཞིང་མངོན་པར་བརྗོད་པ་ཡོད་པ་ནི། འདི་ལྟ་སྟེ། གཞི་བཞི་པོ་དག་ལའོ། །དགེ་སྦྱོང་དང་། བྲམ་ཟེ་ཤེས་ལྡན་རྟག་པར་སྨྲ
115a4 བ་དེ་དག་། ཅི་ལ་རྟེན་ཅིང་ཅི་ལ་གནས་ནས་ཅི་ལ་གནས་བཅས་ཏེ། སྔོན་གྱི་མཐའ་ལ་རྟོག་ཅིང་བདག་དང་། འཇིག་རྟེན་ནི་རྟག་གོ་ཞེས་མངོན་པར་བརྗོད་པ་ནི། འདི་ལྟ་སྟེ། གཞི་བཞི་པོ
115a5 དག་ལའོ། །དགེ་སློང་དག་།འདི་ན་དགེ་སྦྱོང་དང་། བྲམ་ཟེ་ཁ་ཅིག་དགོན་པ་ན་གནས་ཀྱང་རུང་། ཤིང་དྲུང་ན་གནས་ཀྱང་རུང་། ཁང་སྟོང་ན་གནས་ཀྱང་རུང་སྟེ། བརྩོན་པའི་རྒྱུ་ལས
115a6 བྱུང་བ་དང་། སྤོང་བའི་རྒྱུ་ལས་བྱུང་བ་དང་། སྒོམ་པའི་རྒྱུ་ལས་བྱུང་བ་དང་། ལན་མང་དུ་བྱེད་པའི་རྒྱུ་ལས་བྱུང་བ་དང་། ཡང་དག་པའི་ཡིད་ལ་བྱེད་པའི་རྒྱུ་ལས་བྱུང་བ
115a7 དག་གིས། སེམས་ཞི་བའི་ཏིང་ངེ་འཛིན་དེ་ལྟ་བུ་ལ་རེག་པར་བྱེད་དོ། །དེ་ལྟར་སེམས་མཉམ་པར་བཞག་པ་ན། འཇིག་པ་དང་། ཆགས་པའི་བསྐལ་པ་ཕྲག་ཉི་ཤུ་ཡང
iiif viewer powered by OpenSeadragon
