| e-texts navigator |
| Wylie |
114b1 གིས་གཟུགས་རྣམས་ལ་ལྟ་བ་ན་མཚན་མར་འཛིན་པ་མེད་པ་ཡིན་ཏེ། ཡིད་ཀྱི་དབང་པོའི་བར་དུ་ཡང་སྡོམ་པ་བླངས་པ་ཡིན་ནོ། །གཽ་ཏ་མ། དེ་ནི་འདི་ལྟར་ཚུལ་ཁྲིམས་ཀྱི་ཕུང་པོ་འདི་དང་།
114b2 དབང་པོའི་སྒོ་བསྡམས་པ་འདི་དང་ལྡན་པ་ཡིན་ལ། འགྲོ་བ་དང་། འོང་བ་ལ་ཤེས་བཞིན་དུ་གནས་པ་ཡང་ཡིན་ཞིང་། ལྟ་བ་དང་། རྣམ་པར་ལྟ་བ་ནས་གཉིད་ཀྱིས་དུབ་བ་སེལ་བའི་བར་དུའང
114b3 ཤེས་བཞིན་དུ་གནས་པ་ཡིན་ནོ། །གཽ་ཏ་མ་དེ་ནི་འདི་ལྟར་འཕགས་པའི་ཚུལ་ཁྲིམས་ཀྱི་ཕུང་པོ་འདི་དང་། དབང་པོའི་སྒོ་བསྡམས་པ་འདི་དང་ལྡན་ལ། དྲན་པ་དང་། ཤེས་བཞིན
114b4 མཆོག་འདི་དང་ལྡན་པའི་ཕྱིར་མལ་སྟན་བདེ་བ་ལ་གནས་པ་ནས། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་ཤིང་དཔྱོད་པ་དང
114b5 བཅས་པ། དབེན་པ་ལས་སྐྱེས་པའི་དགའ་བ་དང་། བདེ་བ་ཅན། བསམ་གཏན་དང་པོ་རྫོགས་པར་བྱས་ནས་གནས་པའི་བར་ཏེ། འདོད་པ་རྣམས་ལས་དབེན་པ་ནི་དེ་ལྟ་བུ་ཡིན་ནོ། །དགེ་སློང
114b6 དག་|ཆོས་གང་དག་གཞན་ཟབ་པ་ཟབ་པར་སྣང་བ་ཡོངས་སུ་དག་པ། ཡོངས་སུ་བྱང་བ་དེ་དག་ངས་རང་གི་མངོན་པར་ཤེས་པས། མངོན་པར་རྫོགས་པར་སངས་རྒྱས་ནས་བཤད
114b7 ལ་ཕ་རོལ་པོས་ཀྱང་དེ་བཞིན་གཤེགས་པ་ལ། གང་ཡང་དག་པ་ཇི་ལྟ་བ་བཞིན་སྙན་པ་སྨྲ་ཞིང་རྗོད་པར་བྱེད་དོ། །དགེ་སློང་དག་།ཆོས་གང་དག་གཞན་ཟབ་པ། ཟབ་པར་སྣང་བ
iiif viewer powered by OpenSeadragon
