| e-texts navigator |
| Wylie |
114a1 རྒྱུ་བའི་རྣམ་པར་སྨིན་པ་ནི་འདི་ལྟ་བུའོ། །ཉི་མ་དང་ཟླ་བ་གཉིས་ལམ་ལོག་པ་ནས་རྒྱུ་བའི་རྣམ་པར་སྨིན་པ་ནི་འདི་ལྟ་བུའོ། །གཟའ་ཉི་མ་དང་། གཟའ
114a2 ཟླ་བའི་ལམ་དང་། སྐར་མདའ་ལྟུང་བ་ལས་ཕྱོགས་འབར་བ་དང་། བར་སྣང་ལས་ལྷའི་རྔ་སྒྲ་གྲག་པའི་རྣམ་པར་སྨིན་པ་ནི་འདི་ལྟ་བུའོ། །གཟའ་ཉི་མ་དང་། གཟའ་ཟླ་བའི་ལམ
114a3 ལོག་པ་དང་། སྐར་མདའ་ལྟུང་བ་ལས་ཕྱོགས་འབར་བ་དང་། བར་སྣང་ལས་ལྷའི་རྔ་སྒྲ་གྲག་པ་དང་། ཡང་ཉི་མ་དང་། ཟླ་བ་འདི་གཉིས་འདི་ལྟར་མཐུ་ཆེ་བ། འདི
114a4 ལྟར་རྫུ་འཕྲུལ་ཆེ་བའི་རྣམ་པར་སྨིན་པ་ནི་འདི་ལྟ་བུའོ། །འཆར་བ་དང་། འོང་བ་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་རྣམ་པར་གཞག་པ་དག་ཏུ
114a5 མི་ཤེས་པ་ནི། འདི་ལྟ་སྟེ། ལམ་དང་། ལམ་ལོག་པའི་ཕྱིར་རོ། །གཽ་ཏ་མ། དེ་ནི་རིག་པ་ཡོན་པ་དག་གིས་ལོག་པར་འཚོ་བས་ལོག་པར་འཚོ་བར་བྱེད་པ་དེ་ལྟ་བུ་དག་སྤངས
114a6 པ་ཡིན་ནོ། །ཇི་ལྟར་ན་འདོད་པ་རྣམས་ལས་རབ་ཏུ་དབེན་པ་ཡིན་ཞེ་ན། གཽ་ཏ་མ། དེ་ནི་འདི་ལྟར་འཕགས་པའི་ཚུལ་ཁྲིམས་ཀྱི་ཕུང་པོ་འདི་དག་དང་ལྡན་ཞིང་། དབང་པོ་རྣམས
114a7 ཀྱི་སྒོ་བསྡམས་པ་ལ་གནས་པ། དྲན་པས་ཀུན་ནས་བསྲུངས་པ། རྟག་པར་དྲན་པ་དང་། དྲན་པས་ཡིད་ཀུན་ནས་བསྲུངས་པ། གནས་སྐབས་མཉམ་པ་ལ་འཇོག་པར་བྱེད་པ། དེ་མིག
iiif viewer powered by OpenSeadragon
