| e-texts navigator |
| Wylie |
113b1 ཉིད་དུ་ཁས་བླང་བར་བྱ་ལ། ཡང་དག་པ་མ་ཡིན་པ་ལ་ནི། ཡང་དག་པ་མ་ཡིན་པ་ཉིད་དུ་སྟེ། འདི་ལྟར་དེ་ནི་ཡང་དག་པར་མ་ཡིན་ཞིང་དེ་ཁོ་ན་མ་ཡིན་པས། ངེད་ཀྱི་ཆོས་འདི་ལ་ནི་ཡོད་པ་མ
113b2 ཡིན་ནོ་ཞེས་ལན་གདབ་པར་བྱའོ། །དགེ་སློང་དག་།གང་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་དག་དེ་བཞིན་གཤེགས་པའི་སྙན་པ་ཅུང་ཟད་ཙམ་འདི་སྨྲ་ཞིང་བརྗོད་པ། འདི་ལྟ་སྟེ།
113b3 ཚུལ་ཁྲིམས་ཙམ་དང་། འདོད་པ་དག་ལས་རབ་ཏུ་དབེན་པ་ཡིན་ནོ། །ཇི་ལྟར་ན་ཚུལ་ཁྲིམས་ཙམ་ཡིན་ཞེ་ན། གཽ་ཏ་མ་དེ་ནི་འཕེལ་བའི་ཚུལ་ཁྲིམས་ཅན་ཡིན་ལ། ཇི་སྐད་སྨྲས་པ་དེ་བཞིན
113b4 བྱེད་ཅིང་ཇི་ལྟར་བྱེད་པ་དེ་བཞིན་སྨྲ་བ་ཡིན་ནོ། །གཽ་ཏ་མ་དེ་ནི་འདི་ལྟར་སྲོག་གཅོད་པ་སྤངས་ནས་སྲོག་གཅོད་པ་ལས་སླར་ལོག་པ་སྟེ། སྲོག་ཆགས་སུ་གྱུར་པའི་སེམས་ཅན་ཐམས་ཅད
113b5 ལ་སྙིང་རྗེ་དང་ལྡན་ཞིང་ངོ་ཚ་ཤེས་པ་དང་། དབྱུག་པ་སྤངས་ཤིང་མཚོན་ཆ་སྤངས་པས་ཐ་ན་སྲོག་ཆགས་གྲོག་སྦུར་ཡན་ཆད་ལ་ཡང་སྲོག་གཅོད་པ་སྤངས་པ་ཡིན་ནོ། །གཽ་ཏ་མ
113b6 དེ་ནི་འདི་ལྟར་མ་བྱིན་པར་ལེན་པ་སྤངས་ནས་མ་བྱིན་པར་ལེན་པ་ལས་སླར་ལོག་པ་སྟེ། མ་བྱིན་པར་མི་ལེན་ལ། བྱིན་པ་ལ་ནི་དགའ་བ་ཡིན་ཏེ། དེ་བཞིན་དུ་རྒྱ་ཆེར་རོ། །ཇི་ལྟར་འདི་ན
113b7 དགེ་སྦྱོང་དང་། བྲམ་ཟེ་ཁ་ཅིག་དད་པས་བྱིན་པ་ཡོངས་སུ་སྦྱོད་ཅིང་། རིག་པ་ཡོན་པོ་དག་གིས་ལོག་པར་འཚོ་བས། འཚོ་བར་བྱེད་དེ། འདི་ལྟ་སྟེ། ཉི་མ་དང་། ཟླ་བ་གཉིས་ལམ་ནས
iiif viewer powered by OpenSeadragon
