| e-texts navigator |
| Wylie |
113a1 རྫོགས་པར་ཤེས་པའམ། མཐོང་བར་འགྱུར་བ་འདི་ནི་གནས་མེད་དོ། །དགེ་སློང་དག་།དེའི་ཕྱིར་ང་ལ་མི་སྙན་པར་བརྗོད་ལ། ཆོས་དང་། དགེ་འདུན་ལ་ཡང་མི
113a2 སྙན་པ་བརྗོད་པ་ན། ཡང་དག་པ་ལ་ནི་ཡང་དག་པ་ཉིད་དུ་ཁས་བླང་བར་བྱ་ལ། ཡང་དག་པ་མ་ཡིན་པ་ལ་ནི་ཡང་དག་པ་མ་ཡིན་པ་ཉིད་དུ་སྟེ། འདི་ལྟར་དེ་ནི་ཡང་དག་པར་མ་ཡིན
113a3 ཞིང་|་དེ་ཁོ་ན་མ་ཡིན་པས་ངེད་ཀྱི་ཆོས་འདི་ལ་ནི་ཡོད་པ་མ་ཡིན་ནོ་ཞེས་ལན་གདབ་པར་བྱའོ། །དགེ་སློང་དག་།ང་ལ་སྙན་པ་བརྗོད་ལ། ཆོས་དང་། དགེ་འདུན་ལ་ཡང་སྙན་པ
113a4 བརྗོད་པ་ན། དགའ་བར་ཡང་མི་བྱའོ། །ཡིད་བདེ་བར་ཡང་མི་བྱའོ། །སེམས་ཡ་ཡ་པོར་ཡང་མི་བྱའོ། །དགེ་སློང་དག་།ང་ལ་སྙན་པ་བརྗོད་ལ། ཆོས་དང་། དགེ་འདུན་ལའང་སྙན
113a5 པ་བརྗོད་པ་ན། དགའ་བའམ། ཡིད་བདེ་བའམ། སེམས་ཡ་ཡ་པོར་གྱུར་ན། དེས་ན་ཁྱེད་ཀྱི་བར་དུ་གཅོད་པ་ཁོ་ནར་འགྱུར་བའི་ཕྱིར་རོ། །དགེ་སློང་དག་།དེ་ཅིའི་ཕྱིར་ཞེ་ན། དགེ
113a6 སློང་དེ་རེ་ཞིག་དགའ་བར་གྱུར་པ་དང་། ཡིད་བདེ་བར་གྱུར་པ་དང་། སེམས་ཡ་ཡ་པོར་གྱུར་པས་གཞན་བརྗོད་པའི་དོན་གྱི་རྣམ་པ་ཐམས་ཅད་ཡོངས་སུ་རྫོགས་པར་ཤེས་པའམ།
113a7 མཐོང་བར་འགྱུར་བ་འདི་ནི་གནས་མེད་དོ། །དགེ་སློང་དག་།དེའི་ཕྱིར་ང་ལ་སྙན་པ་བརྗོད་ལ། ཆོས་དང་། དགེ་འདུན་ལ་ཡང་སྙན་པ་བརྗོད་པ་ན། ཡང་དག་པ་ལ་ནི་ཡང་དག་པ
iiif viewer powered by OpenSeadragon
