| e-texts navigator |
| Wylie |
112b1 ཡང་སྙན་པ་བརྗོད་པ་ཞིག་སྟེ། དེ་ལྟར་ན་སློབ་དཔོན་དང་། སློབ་མ་དེ་གཉིས་ཕན་ཚུན་ལྟ་བ་དང་། མོས་པ་དང་། བྱེ་བྲག་ཕྱེད་བ་དང་། བཟོད་པ་དག་གིས་མི་མཐུན་པར་སྨྲ་ཞིང་དགེ་སློང
112b2 གི་དགེ་འདུན་དག་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སླད་བཞིན་ཞབས་འབྲིང་དུ་མཆིས་པ་འདི་ནི། ངོ་མཚར་རབ་ཏུ་ཆེའོ་ཞེས་སྐབས
112b3 ཀྱི་གཏམ་དེ་ལྟ་བུ་དག་གླེངས་སླངས་པ་ལགས་ལ། བཙུན་པ། བདག་ཅག་དགེ་སློང་མང་པོ་རྣམས། རྒྱལ་པོའི་གནས་སུ་འདུས་ཤིང་མཆིས་པ་ནི་སྐབས་ཀྱི་གཏམ་དུས་ལ་བབ་པ་ནི
112b4 དེ་ལགས་ཏེ། གཏམ་དེས་དེ་ལྟར་བདག་ཅག་འདུས་ཤིང་མཆིས་པ་ལགས་སོ། །དགེ་སློང་དག་།ང་ལ་མི་སྙན་པ་བརྗོད་པ་དང་། ཆོས་དང་། དགེ་འདུན་ལ་ཡང་མི་སྙན་པ་བརྗོད་པ་དེ་ལ་གནོད
112b5 སེམས་མི་བྱའོ། །མི་བཟོད་པ་མི་བྱའོ། །ངན་སེམས་མི་བྱའོ། །སེམས་མངོན་པར་མི་དགའ་བར་མི་བྱའོ། །དགེ་སློང་དག་།ང་ལ་མི་སྙན་པར་བརྗོད་པ་དང་། ཆོས་དང་། དགེ་འདུན་ལ་ཡང
112b6 མི་སྙན་པ་བརྗོད་པ་དེ་ལ། ཚེ་དང་ལྡན་པ་དག་གིས་གནོད་སེམས་དང་། མི་བཟོད་པ་དང་། ངན་སེམས་དང་། སེམས་མངོན་པར་མི་དགའ་བར་བྱས་ན། དེས་ན་ཁྱོད་ཀྱི་བར་དུ་གཅོད་པ
112b7 ཁོ་ནར་འགྱུར་བའི་ཕྱིར་རོ། །དེ་ཅིའི་ཕྱིར་ཞེ་ན། དགེ་སློང་དེ་རེ་ཞིག་ཁྲོས་འཁྲུགས་ལ། རྔམས་ཏེ་ཡིད་མི་དགའ་བར་གྱུར་པས། གཞན་བརྗོད་པའི་དོན་གྱི་རྣམ་པ་ཐམས་ཅད་ཡོངས་སུ
iiif viewer powered by OpenSeadragon
