| e-texts navigator |
| Wylie |
108b1 ཏེ|་མི་དགའ་བར་གྱུར་ནས་བུས་གསོལ་པ་བཞིན་དུ། བྲམ་ཟེ་ལ་རིན་བྱིན་ཅིག་ཅེས་བསྒོ་ནས། བུ་གཉིས་གདོད་རྒྱལ་པོའི་པང་དུ་བླངས་སོ། །བུ་གཉིས་རྒྱལ་པོས་བླངས་ནས། ཕྱག
108b2 གིས་བུ་གཉིས་ཀྱི་མགོ་ནས་བྱུགས་ཏེ། འདི་སྐད་ཅེས་སྨྲས་སོ། །ཁྱེད་རི་ལ་གནས་པ་ན། ཟས་སུ་ནི་ཅི་ཟ། གོས་སུ་ནི་ཅི་གྱོན་ཅེས་དྲིས་ན། བུ་གཉིས་ན་རེ། ཟས་སུ་ནི་ཤིང་གི
108b3 འབྲས་བུ་ཤིང་ཏོག་ཟ། གོས་སུ་ནི་ལྤགས་པ་དང་། སྣམ་བུ་གྱོན་ཏེ། བྱ་མང་པོ་དང་། རྩེ་དགའ་བས་མྱ་ངན་གྱི་སེམས་མེད་དོ་ཞེས་གསོལ་ཏོ། །དེ་ནས་རྒྱལ་པོས་བྲམ་ཟེ་དེ་ལ་ཕྱི་རོལ
108b4 དུ་སོང་ཞིག་ཅེས་བསྒོ་བ་དང་། བུ་གཉིས་ཀྱིས་རྒྱལ་པོ་ལ་འདི་སྐད་ཅེས་གསོལ་ཏོ། །བྲམ་ཟེ་འདི་རབ་ཏུ་བཀྲེས་སྐོམ་གྱིས་ཉེན་ན། དེ་ལ་ཁ་ཟས་ཀྱིས་ཚིམ་པར་མཛད་དུ་གསོལ|
108b5 རྒྱལ་པོས་སྨྲས་པ། ཁྱེད་ལ་མི་དགའ་བའམ། ཁོན་དུ་འཛིན་པ་མེད་པར་ཕྱིར་ཁ་ཟས་སྦྱིན་པར་སེམས། བུས་སྨྲས་པ། བདག་གི་བ་བྱང་ཆུབ་ཀྱི་ལམ་ལ་དགའ་བས། ནོར་རྫས
108b6 ཀྱི་སྦྱིན་དུ་མེད་དེ། བདག་གི་ལུས་ཀྱིས་སློང་བ་ལ་བྱིན་པ་ཡང་བདག་ཅག་ལ་དབང་བའི་བདག་པོ་ལགས་ཏེ། འདིས་བདག་ཅག་ལ་བཀོལ་བའི་ལས་ཙམ་བྱེད་དུ་མ་བཅུག་པའང
108b7 ཐོག་མ་ཕས་བསམ་པ་ལྟར་མ་གྱུར་ཏེ། དེ་སྙིང་རྗེའི་སེམས་ཙམ་ཡང་མ་མཆིས་ཏེ། ལྟོགས་ཤིང་སྐོམ་པ་བཞིན་དུ་འདུག་པ་འདི། མིག་གིས་ཀྱང་སུ་ཞིག་གིས་བཟོད། བདག་གི་ཕས
iiif viewer powered by OpenSeadragon
