| e-texts navigator |
| Wylie |
106a1 ཡང་མ་བྱིན་ཅིག་ཅེས་སྨྲས་སོ། །རྒྱལ་བུས་སླར་སྨྲས་པ། ཅིའི་ཕྱིར་མི་ཁྲིད། མི་འདོད་དམ། ཅི་མིར་སྐྱེས་པའི་ཆུང་མའི་ནང་ན། ཆུང་མ་འདི་ནི་ཤིན་ཏུ་ཡང
106a2 བཟང་ཞིང་མཛེས་ཏེ། རྒྱལ་བོའི་བུ་མོ་ཡིན་ལ། རྒྱལ་པོ་དེ་ལ་བུ་མོ་འདི་གཅིག་བུ་ལས་མེད་དེ། ཆུང་མ་འདི་བདག་ལ་ཆུ་གང་ཆེ་བས། ཁ་ཟས་བཙོ་བ་དང་། བསྲེག་པ་ཡང
106a3 ལག་དར་ཏེ་བྱེད། བཟའ་བ་དང་། བཏུང་བ་ངན་ཀྱང་ངན་ཅེས་མི་འཁང་སྟེ། རྟག་ཏུ་འགྲུབ་ཆེ་ལ། བྱད་བཞིན་ཡང་བཟང་ལ་མཛེས་པས། ཁྱོད་ཁྱེར་ན་བདག་དགའོ་ཞེས་སྨྲས
106a4 སོ|་|བྲམ་ཟེས་རྒྱལ་བུ་ལ་སྨྲས་པ། བདག་ནི་བྲམ་ཟེ་མ་ཡིན་གྱི་བརྒྱ་བྱིན་ལྷའི་དབང་པོ་ཡིན་ཏེ། ཆེད་དུ་ཁྱོད་བག་མ་པའི་ཕྱིར་འོངས་པ་ཡིན་ནོ་ཞེས་ཕྱིར་བརྒྱ་བྱིན་གྱི་ལུས་བཟང
106a5 པོར་བསྒྱུར་ནས་ཁྱོད་ཅི་དང་ཅིར་སྨོན་ཅེས་སྨྲས་སོ། །དེ་ནས་བཙུན་མོས་གུས་པར་ཕྱག་འཚལ་ཏེ། སྨོན་ལམ་རྣམ་པ་གསུམ་ཞིག་གསོལ་ཏེ། གང་ཞེ་ན། གཅིག་ཏུ་བུ་ཁྲིད་པའི
106a6 བྲམ་ཟེ་ཕྱིར་ཡང་བདག་གི་ཡུལ་དུ་ཕྱིན་པར་གྱུར་ཅིག་། གཉིས་སུ་ན་བདག་གི་བུ་གཉིས་བཀྲེས་པ་དང་། སྐོམ་པས་སྡུག་བསྔལ་བར་མ་གྱུར་ཅིག་།གསུམ་དུ་ན་རྒྱལ་བུ་དང་། བདག
106a7 ཅག་གཉིས་ཀྱང་བདག་གི་ཡུལ་དུ་མྱུར་དུ་འཁོར་པར་གྱུར་ཅིག་ཅེས་སྨྲས་པ་དང་། བརྒྱ་བྱིན་ལྷའི་དབང་པོས་ཀྱང་། དེ་བཞིན་དུ་སྨོན་ལམ་གྲུབ་པར་གྱུར་ཅིག་ཅེས་སྨྲས་སོ། །རྒྱལ
iiif viewer powered by OpenSeadragon
