| e-texts navigator |
| Wylie |
105b1 པར་ཤེས་པ་ཚོར་བར་གྱུར་ཏེ། རྒྱལ་བུའི་བསམ་པ་མྱུར་དུ་རྫོགས་པར་འདོད་པས་ཡིད་བཞིན་དུ་སྦྱིན་པ་ལ་རྗེས་སུ་ཡི་རང་བར་གྱུར་ཏེ། དེ་ནས་ལྷའི་དབང་པོ་བརྒྱ་བྱིན་རྒྱལ་བུས
105b2 སྦྱིན་པ་བྱིན་པ། ཅི་ལྟར་སེམས་པ་བསམ་པའི་ཕྱིར། བྲམ་ཟེ་ཞིག་ཏུ་སྤྲུལ་ཏེ། བྲམ་ཟེ་དེ་ཡང་མི་སྡུག་པ་རྣམ་པ་བཅུ་གཉིས་དང་ལྡན་ཏེ། རྒྱལ་བུ་ག་ལ་བ་དེར་སོང་ནས། འདི་སྐད
105b3 ཅེས་སྨྲས་སོ། །རྒྱལ་བུ། ཁྱོད་སྦྱིན་པ་ལ་དགའ་བས། ཕ་རོལ་པོའི་ཡིད་དང་འགེལ་བར་མི་བྱེད་ཅེས་གྲག་སྟེ། བདག་ཀྱང་ཆེད་དུ་འདིར་སློང་དུ་འོངས་ཀྱི། ཁྱོད་ལ་བཙུན་མོ་ཡོད་པ་དེ
105b4 བདག་ལ་བྱིན་ཅིག་། རྒྱལ་བུས་སྨྲས་པ། ཤིན་ཏུ་ལེགས་ཏེ། དེ་བཞིན་དུ་སྦྱིན་ནོ་ཞེས་སྨྲས་སོ། །བཙུན་མོས་སྨྲས་པ། བདག་ཀྱང་ཕ་རོལ་པོ་ལ་བྱིན་ན། རྒྱལ་བུའི་གཡོག་སུས་བྱ།
105b5 རྒྱལ་བུས་སྨྲས་པ། ད་ཁྱོད་ཀྱང་སྦྱིན་པ་མ་བྱས་ན། ཅི་ལྟར་ཡང་བླ་ན་མེད་པ་མཉམ་སྙོམས་པའི་བྱང་ཆུབ་ཐོབ་པར་འགྱུར། དེ་ནས་རྒྱལ་བུས་ཆུ་སྣོད་ཐོགས་ཏེ། བྲམ་ཟེའི་ལག་པ་བཀྲུ
105b6 བའི་ཕྱིར་ལག་པར་ཆུ་བླུགས་ནས། བཙུན་མོ་ཡང་བྲམ་ཟེ་ལ་ཕུལ་ལོ། །དེ་ལྟར་རྒྱལ་བུ་ལ་འགྱོད་པའི་སེམས་ཅུང་ཟད་ཀྱང་མེད་པར་བརྒྱ་བྱིན་གྱིས་རྟོགས་ནས། ལྷ་རྣམས་ཀྱིས་བསྟོད
105b7 བསྔགས་ཏེ། གནམ་ས་ཡང་ཆེར་གཡོས་སོ། །དེ་ནས་བྲམ་ཟེས་བཙུན་མོ་ཁྲིད་དོ། གོམ་པ་བདུན་ཙམ་དུ་ཕྱིན་པ་དང་། ཕྱིར་ལོག་ནས། བཙུན་མོ་འདི་རྒྱལ་བུ་ལ་ཕྱིར་གཏམས་ཀྱི་སུལ
iiif viewer powered by OpenSeadragon
