| e-texts navigator |
| Wylie |
105a1 ཆོ་ངེས་བཏབ་བོ། །རྒྱལ་བུས་སྨྲས་པ། རེ་ཞིག་སྡོད་ཅིག་།ཁྱོད་སྔོན་འདས་པའི་དུས་ན་སངས་རྒྱས་མར་མེ་མཛད་ཀྱི་ཚེ། དམ་ཇི་ལྟར་བཅས་པ་མི་དྲན་ནམ
105a2 དེའི་ཚེ་དེའི་དུས་ན་བདག་ནི་བྲམ་ཟེའི་བུ་གཞོན་ནུ་ཞེས་བྱ་བ། ཁྱོད་ནི་བྲམ་ཟེའི་བུ་མོ་སུན་ཏ་རི་ཞེས་བྱ་སྟེ། ཁྱོད་ནི་དེའི་ཚེ་མེ་ཏོག་པདྨོ་བདུན་ཞིག་ཐོགས། བདག་ལ་དངུལ་གྱི་དོང
105a3 ཚེ་ལྔ་ཞིག་ཡོད་དེ། ཁྱོད་ལས་པདྨོ་ལྔ་ཞིག་ཉོས་ནས། སངས་རྒྱས་ལ་ཕུལ་བར་བྱས་པ་ལས། ཁྱོད་ཀྱིས་པདྨོ་ལྷག་མ་གཉིས་པོ་ཡང་ང་ལ་བྱིན་ཏེ། སངས་རྒྱས་ལ་འབུལ
105a4 གྱི|་སྨོན་ལམ་དུ་ཡང་། བདག་སྐྱེ་བ་ཕ་རོལ་ཏུ་རྟག་པར་ཁྱོད་ཀྱི་ཆུང་མར་ཤོག་ཅིག་།ཅེས་སྨོན་ལམ་བཏབ་པ་ལས། བདག་དེའི་ཚེ་ཁྱོད་དང་འདི་སྐད་ཅེས་དམ་མ་བཅས
105a5 སམ|་ཁྱོད་བདག་གི་ཆུང་མར་དགའ་ན། བདག་གི་ཡིད་དང་འགལ་བར་མ་བྱེད་ཅིག་།བདག་སྦྱིན་པ་ཞིག་བྱེད་ན། ཕ་མ་གཉིས་མ་གཏོགས་པར་གཞན་སྦྱིན་ཡང་། བདག
105a6 གི་ཡིད་བཞིན་དུ་སྦྱིན་པ་ལས་འགལ་བར་མ་བྱེད་ཅིག་ཅེས་དམ་བཅས་པ་ལས་དེའི་ཚེ། ཁྱོད་ན་རེ། དེ་བཞིན་དུ་བྱའོ་ཞེས་མི་ཟེར་རམ། ད་ཁྱོད་ཀྱི་བུ་གཉིས་གཞན་ལ་བྱིན
105a7 པ|་བདག་གི་དགེ་བའི་སེམས་དཀྲུག་ཏུ་ཡང་ཅི་ཞིག་ཡོད་ཅེས། རྒྱལ་བུ་ས་སྨྲས་མ་ཐག་ཏུ། བཙུན་མོས་ཐོས་པ་ཙམ་གྱིས། སེམས་དང་། ཡིད་ཀྱིས་སྔོན་གྱི་གནས་དྲན་པའི་མངོན
iiif viewer powered by OpenSeadragon
