| e-texts navigator |
| Wylie |
104a1 ལྟས་ངན་པ་གནའ་ནས་མ་བྱུང་ན། བདག་གི་བུ་གཉིས་ལ་ཡི་འབྲོག་མ་བྱུང་ངམ་སྙམ་བསམས་ནས། ཤིང་ཏོག་གིས་ཅི་ཞིག་བྱ་སྙམ་སྟེ། ཤིང་ཐོག་ལེན་བའང་བཏང
104a2 ནས|་མྱུར་བར་ཕྱིར་གནས་སུ་འགྲོ་བར་ཆས་སོ། །དེའི་ཚེ་སུམ་ཅུ་རྩ་གསུམ་པའི་གནམ་གྱི་ལྷའི་དབང་པོས་རྒྱལ་བུས་གཞན་ལ་བུ་བྱིན་པར་ཤེས་ནས། བཙུན་མོས་དགེ་བར་བསམས
104a3 པའི་སེམས་ཀྱི་བར་ཆད་བྱེད་དུ་དོགས་པས་སེང་གེ་ཞིག་ཏུ་སྤྲུལ་ནས། ལམ་གྱི་སྲང་དུ་བསྡད་དོ། །བཙུན་མོས་སེང་གེ་ལ་སྨྲས་པ། ཁྱོད་ནི་གཅན་ཟན་གྱི་རྒྱལ་པོ། ཁོ་མོ་ནི་མིའི་རྒྱལ
104a4 མོ་ཡིན་ཏེ། རི་ལ་འཁོད་པར་འདྲ་ན། ཅུང་ཟད་ལམ་ལས་བྱོལ་ཏེ་བདག་ཐོངས་ཤིག་།བདག་ལ་བུ་ཆུང་དུ་མ་ཤེད་མ་བྱེ་བ་གཉིས་ཤིག་ཡོད་དེ། ད་ཙམ་གྱི་བར་དུ་ཅི་ཡང་མ་ཟོས
104a5 པས|་བདག་འོང་དུ་རེ་སྟེ་སྡོད་དོ། །སེང་གེས་ཀྱང་། བྲམ་ཟེ་དེ་རྒྱང་རིང་དུ་ཐལ་བར་ཤེས་ནས། ལམ་ལས་བྱོལ་ཏེ་བཙུན་མོ་བཏང་ངོ་། །བཙུན་མོ་ཕྱིར་གནས་སུ་འོངས་ནས།
104a6 རྒྱལ་བུ་འབའ་ཞིག་སྣང་གི་།བུ་གཉིས་མ་མཐོང་བས་བདག་ཉིད་འདུག་པའི་སྦྱིལ་བུར་བལྟས་ན་ཡང་བུ་མ་མཐོང་། བུ་གཉིས་འདུག་པའི་སྤྱིལ་བོར་ལ་བལྟས་ན་ཡང་བུ་མ
104a7 མཐོང་སྟེ། དེ་ནས་བུ་རྩེ་བའི་གནས་ཆུ་འགྲམ་དུ་བཙལ་ན་ཡང་བུ་མ་མཐོང་ངོ་། །སྔོན་བུ་དང་རྩེ་བའི་རི་དྭགས་ཤ་བ་དང་། ཁ་དང་། གཅན་གཟན་སེང་གེ་དང་། སྤྲེའུ་ལ
iiif viewer powered by OpenSeadragon
