| e-texts navigator |
| Wylie |
103b1 བས་ས་ཡང་ཁོལ་བར་གྱུར་ཏོ། །རྒྱལ་བུ་དང་། རི་དྭགས་དང་། གཅན་གཟན་མང་པོ་ཐམས་ཅད་ཀྱིས་བུ་གཉིས་བསྐྱལ་ཏེ། མི་སྣང་བར་གྱུར་པ་དང་། གཟོད་ཕྱིར་ལོག་གོ་།རི་དྭགས
103b2 དང་། གཅན་གཟན་ལ་སོགས་པས་རྒྱལ་བུ་བསྐྱལ་ཏེ། ཕྱིར་རྒྱལ་བུ་དང་རྩེ་བའི་གནས་སུ་ཕྱིན་ནས། སྙིང་རྗེའི་སྐད་ཕྱུང་སྟེ། ལུས་ས་ལ་རྡེབས་ཤིང་འགྲོའོ། །བྲམ་ཟེ་དེས་ལམ་དུ་ཞུགས
103b3 ཏེ་སོང་སོང་བ་ལས་ལམ་གར་སྐྱེད་ཤིང་ཞིག་ཡོད་པ་ལ་བུ་གཉིས་བཏགས་ཏེ་འདུག་གོ། དེ་ནས་ཆས་པ་དང་། བུ་གཉིས་མ་དང་ཕྲད་དུ་རེ་ནས་ཤིང་གི་ཕག་འཁྲི་ཞིང་འགྲོར་མ་བཏུབ
103b4 ནས|་བྲམ་ཟེས་ཡང་བཞུས་པ་ལས། བུ་གཉིས་ཀྱིས་འདི་སྐད་ཅེས་སྨྲས་སོ། །བདག་ཅག་ལ་མ་རྡེགས་ཤིག་།བདག་ཅག་རང་འགྲོའོ་ཞེས་གནམ་ལ་ཡར་བལྟས་ཏེ། ཡང་འདི་སྐད་ཅེས་སྨྲས་སོ། །རི
103b5 མཉན་གྱི་ལྷ་དང་། ནགས་ཚལ་གྱི་ཤིང་གི་ལྷ་རྣམས། བདག་ཅག་ལ་ཅུང་ཟད་ཐུགས་བརྩེ་བའམ། དགོངས་པ་མི་མངའམ། བདག་ཅག་ནི་ལམ་རིང་པོར་གཞན་གྱི་བྲན་ཁོལ་བྱེད་དུ་འགྲོ་སྟེ།
103b6 མ་དང་བྲལ་བར་གྱུར་ན། བདག་ཅག་གི་མ་རི་ལ་ཤིང་ཐོག་ཚོལ་ཞིང་བརྡར་བཏང་སྟེ་མྱུར་དུ་བདག་ཅག་དང་ངོ་ཕྲད་པར་ཤོག་ཅིག་ཅེས་མི་སྦྲན་ནམ་ཞེས་དེ་སྐད་སྨྲས་པ་དང་། བུའི་མ་རི་ལ
103b7 འདུག་པའི་རྐང་པ་གཡོན་པའི་རྐང་མཐིལ་གཡའ་ཞིང་གཡོ་བ་དང་། མིག་གཡོན་པ་ཡང་འགུལ། ནུ་མ་གཉིས་ནས་ནུ་ཞོ་ཡང་རང་ཟག་པར་གྱུར་ནས་འདི་སྙམ་དུ་འདི་འདྲ་བའི
iiif viewer powered by OpenSeadragon
