| e-texts navigator |
| Wylie |
102b1 དགའ་བའི་མྱ་ངན་གྱིས་གདུངས་པར་འགྱུར་རོ། །རྒྱལ་བུས་བུ་ལ་བསྒོ་བ། ཁོ་བོས་སྦྱིན་པར་གནང་བས་བསྡད་དུ་མི་རུང་སྟེ། འདི་བྲམ་ཟེ་ཡིན་གྱི། ཡི་དྭགས་མ་ཡིན་པས་མི་ཟོས་ཀྱི།
102b2 ཁྱེད་གཉིས་འདིའི་ཕྱི་བཞིན་སོང་ཞིག། བྲམ་ཟེས་སྨྲས་པ། བདག་ནི་ད་ཆས་ཏེ་འགྲོའོ། །གལ་ཏེ་བུའི་མ་འོངས་ན་འགྲོར་མེད་དེ། མ་བཏང་ན་རྒྱལ་བུས་བདག་ལ་བྱིན་པའི་དགེ་བའི
102b3 སེམས|་བུའི་མས་ཟློག་ཅིང་ཉམས་པར་འགྱུར་དུ་དོགས་སོ། །རྒྱལ་བུས་སྨྲས་པ། བདག་གིས་སྦྱིན་པ་ཅི་བྱས་ཀྱང་ཐོག་མ་ནས་ཅི་ལ་ཡང་འགྱོད་པའི་སེམས་བྱུང་མ་མྱོང་ངོ་། །དེ
102b4 ནས་རྒྱལ་བུས་ཆུ་སྣོད་ཐོགས་ཏེ་བྲམ་ཟེའི་ལག་པར་ཆུ་བླུགས་ནས། བུ་གཉིས་ཀྱི་ལག་པ་ནས་བཟུང་སྟེ། བྲམ་ཟེ་ལ་ཕུལ་བ་ན་ས་ཡང་རབ་ཏུ་གཡོས་སོ། །བུ་གཉིས་བྲམ་ཟེའི་ཕྱི
102b5 བཞིན་མཆིར་མ་བཏུབ་ནས། ཕྱིར་ཕ་རྒྱལ་བུའི་དྲུང་དུ་འོངས་ཏེ། པུས་མོ་ས་ལ་བཙུགས་ནས། ཕ་རྒྱལ་བུ་ལ་འདི་སྐད་ཅེས་གསོལ་ཏོ། །བདག་ཅག་གཉིས་ཀྱིས་ཚེ་རབས་སྔ་མ་ལ
102b6 མི་དགེ་བའི་སྡིག་པ་ཅི་བགྱིས་ན། འདི་ལྟ་བུའི་སྡུག་བསྔལ་མྱོང་བར་གྱུར། བདག་ཅག་ནི་རྒྱལ་པོའི་རིགས་སུ་སྐྱེས་ནས། ཅིའི་སླད་དུ་ཕ་རོལ་པོའི་བྲན་ཁོལ་དུ་གྱུར་ཅེས། ཕ་རྒྱལ་བུ་ལ
102b7 སྡིག་བཤགས་ནས། འདིའི་རྒྱུ་འདིའི་རྐྱེན་གྱིས་སྡིག་པ་བྱང་ཞིང་། བསོད་ནམས་སྐྱེས་ཏེ། གང་ནས་གང་དུ་སྐྱེས་ཀྱང་འདི་ལྟ་བུའི་སྡུག་བསྔལ་དང་ཕྲད་པར་མ་གྱུར་ཅིག་ཅེས་སྨྲས
iiif viewer powered by OpenSeadragon
