| e-texts navigator |
| Wylie |
101b1 དེ་ནས་རྔོན་པས། འོ་ན་ཅི་ཞིག་སྨྲ་བར་སེམས་ཤེས་དྲིས་པ་དང་། བྲམ་ཟེ་རྫུན་ཚིག་འདི་སྐད་ཅེས་སྨྲས་སོ། །རྒྱལ་པོ་ཡབ་རྒྱལ་བུ་མཐོང་བར་དགའ་བས། བདག་འདིར་རྒྱལ་བུ་ཕྱིར
101b2 འགུགས་སུ་འོངས་སོ། །ཞེས་སྨྲས་མ་ཐག་ཏུ་རྔོན་པས་ཀྱང་བཀྲོལ་ཏེ་བཏང་ནས་སྔར་མ་རྟོགས་ཏེ། རྒྱུས་མ་ཤེས་སོ་ཞེས་བཟོད་པ་གསོལ་ནས། རྒྱལ་བུ་གང་ན་འདུག་པའི་གནས
101b3 བསྟན་ཏོ། །དེ་ནས་བྲམ་ཟེ་དེ་རྒྱལ་བུའི་ཐད་དུ་ཕྱིན་པ་དང་། རྒྱལ་བུས་ཀྱང་རྒྱང་མ་ནས་བྲམ་ཟེ་འོངས་པ་མཐོང་ནས། རབ་ཏུ་དགའ་བའི་སེམས་སྐྱེས་ཏེ། བསུས་ནས་གུས་པར་ཕྱག་བྱས
101b4 ཏེ|་ཁྱོད་ག་ལས་འོངས། ལམ་དུ་ཉོན་མོངས་ཤིང་ངལ་བར་མ་གྱུར་ཏམ། ཅི་འདོད་ཅེས་སྤྲོ་བའི་གཏམ་བྱས་སོ། །བྲམ་ཟེས་སྨྲས་པ། བདག་ལམ་རིང་པོ་ནས་འོངས་ཏེ། ལུས
101b5 ཐམས་ཅད་རྩེ་ཞིང་ངལ་ཏེ། བཀྲེས་སྐོམ་མོ་ཞེས་སྨྲས་པ་དང་། རྒྱལ་བུས་ནང་དུ་ཁྲིད་ནས། སྟན་ལ་འདུག་ཏུ་བཅུག་སྟེ། ཤིང་ཏོག་དང་། ཤིང་གི་འབྲས་བུ་དང་། བཏུང་བའི་སྐོམ་མདུན
101b6 དུ་ཕབ་ནས། བྲམ་ཟེས་ཀྱང་སྐོམ་འཐུངས། ཤིང་ཏོག་ཟོས་ཏེ། ཐལ་བྱུང་རྒྱལ་བུ་ལ་འདི་སྐད་ཅེས་སྨྲས་སོ། །བདག་ནི་ཡུལ་ཀེ་ལེ་ཞེས་བྱ་བའི་ཡུལ་མི་ཡིན་ཏེ། སྔ་ཞིག་ནས་རྒྱལ་བུ
101b7 སྦྱན་པ་ལ་དགའོ་ཞེས་ཕྱོགས་བཅུར་གྲགས་ཤིང་ཐོས་པས། བདག་ནི་དབུལ་ཕོངས་ཏེ། རྒྱལ་བུ་ལ་སློང་དུ་འོངས་སོ། །རྒྱལ་བུས་སྨྲས་པ། བདག་ལ་ཡོད་པ་ལས་ཁྱོད་ལ་མ
iiif viewer powered by OpenSeadragon
