| e-texts navigator |
| Wylie |
477b1 དེས་དགེ་སྦྱོང་གོ་ཏ་མ་སེངྒེའི་སྟབས་སུ་འགྲོ་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་ཆེན་པོ། འདི་ནི་ངས་ཚེ་རབས་སྔ་མའི་སྐྱེ་བར་འབྲུའི་ཚང་དང་། སྦྱར་བའི་ཆང་མྱོས
477b2 པ་བག་མེད་པའི་གནས་སྤངས་པའི་ལས་དེའི་འབྲས་བུ་ཡིན་ནོ། །དགེ་སྦྱོང་གཽ་ཏ་མས་སྔོན་ལས་ཅི་ཞིག་བྱས་ཤིང་བསགས་ན། དེས་དགེ་སྦྱོང་གཽ་ཏ་མ་སོ་བཞི་བཅུ་དང་ལྡན་ཞིང་སོ་མཉམ
477b3 ལ་སོ་དཀར་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་ཆེན་པོ། འདི་ནི། ངས་ཚེ་རབས་སྔ་མའི་སྐྱེ་བར་དུས་མ་ཡིན་པའི་ཟས་སྤངས་པའི་ལས་དེའི་འབྲས
477b4 བུ་ཡིན་ནོ། །དགེ་སྦྱོང་གཽ་ཏ་མས་སྔོན་ལས་ཅི་ཞིག་བྱས་ཤིང་བསགས་ན། དེས་དགེ་སྦྱོང་གཽ་ཏ་མ་ཚུལ་ཁྲིམས་ཀྱི་སྤོས་ཀྱིས་ལུས་བྱུགས་པར་གྱུར། བཅོམ་ལྡན་འདས་ཀྱིས
477b5 བཀའ་སྩལ་པ། བྲམ་ཟེ་ཆེན་པོ། འདི་ནི། ངས་ཚེ་རབས་སྔ་མའི་སྐྱེ་བར་ཕྲེང་བ་དང་། སྤོས་དང་། བྱུག་པ་དང་། ཁ་དོག་འཆང་བ་སྤངས་པའི་ལས་དེའི་འབྲས་བུ་ཡིན
477b6 ནོ|་|དགེ་སྦྱོང་གཽ་ཏ་མས་སྔོན་ལས་ཅི་ཞིག་བྱས་ཤིང་བསགས་ན། དེས་དགེ་སྦྱོང་གཽ་ཏ་མ་ལུས་མཚན་ཐམས་ཅད་ཀྱིས་བརྒྱན་པར་གྱུར། བཅོམ་ལྡན་འདས་ཀྱིས་བཀའ
477b7 སྩལ་པ། བྲམ་ཟེ་ཆེན་པོ། འདི་ནི། ངས་ཚེ་ར་བས་སྔ་མའི་སྐྱེ་བར་གླུ་དང་། གར་དང་། རྒྱན་རྣམས་སྤངས་པའི་ལས་དེའི་འབྲས་བུ་ཡིན་ནོ། །དགེ་སྦྱོང་གཽ་ཏ་མས་སྔོན
iiif viewer powered by OpenSeadragon
