| e-texts navigator |
| Wylie |
205a1 འདས|་མད་ལགས་སོ། །བཀའ་སྩལ་པ། དགེ་སློང་དག་།ཁྱེད་འཐབ་སྟེ་མཚང་འདྲུ་ཞིང་འགྱེད་ལ་རྩོད་པར་མ་བྱེད་ཅིག་།དགེ་སློང་དག་།ཁྱེད་འཐབ
205a2 སྟེ་མཚང་འདྲུ་ཞིང་འགྱེད་ལ་རྩོད་ཅིང་འཁོད་ན་ནི། གསོ་སྦྱོང་བྱེད་དམ། སྐབས་འབྱེད་པའི་ལས་བྱེད་དམ། གསོལ་བ་དང་གཉིས་ཀྱི་ལས་བྱེད་དམ། གསོལ་བ་དང་བཞིའི་ལས
205a3 བྱེད་ཀྱང་རུང་སྟེ། ལས་དེ་དག་འཇིག་པར་གྱུར་ཏེ། གཞག་དགོས་པ་ཡིན་ནོ། །དེ་ཅིའི་ཕྱིར་ཞེ་ན། དགེ་སློང་དག་།ཁྱེད་ནི། དེ་དག་ལས་ཐ་དད་པར་གནས་པར་བྱེད་ལ། དེ་དག་ཀྱང
205a4 ཁྱེད་ལས་ཐ་དད་པར་གནས་པར་བྱེད་པའི་ཕྱིར་རོ། །དགེ་སློང་དག་།ཐ་དད་པར་གནས་པ་ནི། འདི་གཉིས་ཡིན་ཏེ། གང་བདག་ཉིད་ཀྱིས་བདག་ཐ་དད་པར་གནས་པར་འདོགས
205a5 པ་དང་། གང་དགེ་འདུན་མཐུན་པས་ཐ་དད་པར་གནས་པར་འདོགས་པའོ། །དེ་ལ་དགེ་སློང་དག་།བདག་གིས་བདག་ཐ་དད་དུ་གནས་པར་འདོགས་པ་ཇི་ལྟ་བུ་ཞེ་ན། འདི
205a6 ལྟར་དགེ་སློང་གིས་ཤེས་བཞིན་དུ་ཆོས་བཞིན་གྱི་ཕྱོགས་ལ་ཆོས་བཞིན་མ་ཡིན་པའི་ཕྱོགས་ཡིན་པར་འཇོག་པ་དེ་ལྟ་བུ་ནི། བདག་གིས་བདག་ཐ་དད་པར་གནས་པར་འདོགས
205a7 པ་ཡིན་ནོ། །དགེ་འདུན་གྱིས་ཆོས་བཞིན་དུ་ཐ་དད་པར་འདོགས་པ་ཇི་ལྟ་བུ་ཞེ་ན། འདི་ལྟར་དགེ་འདུན་གྱིས་དགེ་སློང་མི་སྣང་བར་དགར་བར་བྱས་ཏེ་ཕྱིར་བཅོས་སུ་མེད་པ་དང་། ཕྱིར
iiif viewer powered by OpenSeadragon
