| e-texts navigator |
| Wylie |
494b1 ཅི་ལའང་མི་གཙང་བར་བྱེད་པ་འདི་དང་ཆོས་བཅུའོ། །ཇི་ལྟར་ལས་ཀྱིས་བཟང་པོར་འགྱུར་ཞེ་ན། ཆོས་བཅུས་བཟང་པོར་འགྱུར་ཏེ། བཅུ་གང་ཞེ་ན། མི་ཁྲེ་བ་གོས་བྱིན་པ། ཡང་དག
494b2 པར་གཤེགས་པའི་མཆོད་རྟེན་ལ་རྟག་ཏུ་ཕྱག་དར་བྱེད་པ། གཙུག་ལག་ཁང་ལ་བྱི་དོར་བྱེད་པ། ཕ་མ་ལ་སྙན་དུ་སྨྲ་བ། མྱ་ངན་ལས་བསྲིངས་པ་རྣམས་ལ་སྙན་དུ་སྨྲས་པ།
494b3 གང་ཟག་མི་སྡུག་པ་རྣམས་ལ་མངན་ཅན་མི་བྱེད་པ། ཅི་ལ་ཡང་གཙང་བར་བྱེད་སྟེ། ཆོས་འདི་དང་བཅུའོ། །ཇི་ལྟར་ན་ལས་ཀྱིས་དབང་ཆུང་ངུར་འགྱུར་ཞེ་ན། ཆོས་བཅུས་ན་དབང
494b4 ཆུང་ངུར་འགྱུར་ཏེ། བཅུ་གང་ཞེ་ན། གཞན་གྱིས་ཐོབ་པ་ལ་ཕྲག་དོག་པ་དང་། གཞན་གྱིས་མ་ཐོབ་པ་ལ་དགའ་བ་དང་། གཞན་གྱིས་ཐོབ་པ་ལ་མི་དགའ་བ་དང་། གཞན་སྐྱིད
494b5 པ་དང་། གྲགས་པ་དང་། ཚིགས་སུ་བཅད་ཅིང་སྒྲ་བསྟོད་པ་མེད་པ་ལ་དགའ་བ། གཞན་སྐྱིད་པ་དང་། གྲགས་པ་དང་། ཚིགས་སུ་བཅད་ཅིང་སྒྲ་བསྟོད་པ་ལ་མི་དགའ་བ། ཕ
494b6 མ་དང་དགེ་བའི་བཤེས་གཉེན་ལ་སྲི་ཞུ་མི་བྱེད་པ། མྱ་ངན་བསྲིངས་པ་རྣམས་ལ་རིམ་གྲོ་མི་བྱེད་པ། དབང་ཆུང་ངུ་ལ་མི་དགེ་བའི་རྩ་བ་བསྐྱེད་པ། དབང་ཆེན་པོ་ལ་དགེ་བའི་རྩ་བ
494b7 གཅད་པ། གང་ཟག་ངན་པ་བྱེད་པ་རྣམས་ལ་བསྟོད་པ་འདི་དང་བཅུའོ། །ཇི་ལྟར་ལས་ཀྱིས་དབང་ཆེ་བར་འགྱུར་ཞེ་ན། ཆོས་བཅུས་ན་དབང་ཆེ་བར་འགྱུར་ཏེ། བཅུ་གང་ཞེ་ན། གཞན
iiif viewer powered by OpenSeadragon
