| e-texts navigator |
| Wylie |
491b1 ན་བ། ཁྱོད་ཉོན་ལ་དགེ་བར་ཤིན་ཏུ་ཡིད་ལ་ཟུངས་ཤིག་དང་། དེའི་ཕྱིར་ངས་བཤད་དོ། །མ་ན་བ། སེམས་ཅན་རྣམས་ནི་ཚེ་རབས་ཀྱི་ལས་ལས་གྱུར་ཏེ། སྦྱིན་པའི་རྣམས་ཀྱང
491b2 ལས། སྐྱེ་བའི་རྣམས་ཀྱང་ལས། སོ་སོར་རྒྱུ་བའང་ལས་ཏེ། མ་ན་བ། སེམས་ཅན་རྣམས་ནི་ལས་ཀྱིས་རྣམ་པར་བསྒྱུར་རོ། །དེ་བས་ན་ངན་པ་དང་། བར་མ་དང་། བཟང
491b3 པོའི་ཕྱིར་སེམས་ཅན་རྣམ་པ་མང་པོའང་ལས་རྣམ་པ་མང་པོ་དང་། མྱ་ངན་རྣམ་པ་མང་པོ་དང་། ལྟ་བ་རྣམ་པ་མང་པོར་སྦྱར་བ་དེ་འདི་ལྟར་ནག་པོ་དང་། དཀར་པོ་ལས
491b4 རྣམ་པར་སྨིན་པའི་འབྲས་བུ་བཤད་དོ། །མ་ན་བ། འདི་ལྟ་སྟེ། ལས་ནག་པོ་རྣམས་ཀྱིས་ནི་སེམས་ཅན་དམྱལ་བ་དང་། བྱོལ་སོང་དང་། ཡི་དྭགས་དང་། རིང་དུ་འཁྱམ
491b5 པ་དང་། ཨ་སུ་ར་ལ་སོགས་པ་ངན་སོང་དུ་སྐྱེའོ། །ལས་དཀར་པོ་བགྱིས་པ་རྣམས་ཀྱིས་ནི་ལྷ་དང་། མིར་སྐྱེའོ། །མ་ན་བ། དེ་ལྟ་བས་ན་ལས་ཀྱི་རྣམ་པར་སྨིན་པས་ཚེ་ཐུང
491b6 བའང་ཡོད། ལས་ཀྱིས་ཚེ་རིང་པོར་གྱུར་པའང་ཡོད། ལས་ཀྱིས་ནད་མང་པོར་གྱུར་པའང་ཡོད། ལས་ཀྱིས་ནང་ཉུང་ངུར་འགྱུར་བའང་ཡོད། ལས་ཀྱིས་མི་སྡུག་པར
491b7 གྱུར་པའང་ཡོད། ལས་ཀྱིས་བཟང་པོར་འགྱུར་བའང་ཡོད། ལས་ཀྱིས་དབང་ཆུང་ངུར་འགྱུར་བའང་ཡོད། ལས་ཀྱིས་དབང་ཆེ་བར་འགྱུར་བའང་ཡོད། ལས་ཀྱིས་མ་རབས
iiif viewer powered by OpenSeadragon
