| e-texts navigator |
| Wylie |
490b1 བཅོམ་ལྡན་འདས་ལ་སེམས་མངོན་པར་དད་དོ། །དེ་ནས་བྲམ་ཟེའི་ཁྱེའུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གཽ་ཏ་མ། ཁྱོད་མཉན་དུ་ཡོད་པར་དགེ་བསྙེན་གཞན
490b2 དག་གི་ཁྱིམ་དུ་གཤེགས་པར་དགོངས་ན། བདག་གི་ཕ་བྲམ་ཟེ་ཏོའུ་དེ་ཡའི་ཁྱིམ་དུ་ཡང་གཤེགས་པར་དགོངས་སུ་གསོལ། དེ་ནི་བྲམ་ཟེ་ཏོའུ་དེ་ཡའི་ཁྱིམ་དུ་ཡུན་རིང་པོའི་དོན
490b3 དུ་བདེ་བ་དང་ཕན་པར་འགྱུར་རོ། །བཅོམ་ལྡན་འདས་ཅང་མི་གསུང་བས་བྲམ་ཟེའི་ཁྱེའུ་ཤུ་ཀ་ལ་གནང་བ་མཛད་དོ། །དེ་ནས་བྲམ་ཟེའི་ཁྱེའུ་ཤུ་ཀ་ས་བཅོམ་ལྡན་འདས་ཅང་མི
490b4 གསུང་བས་གནང་བར་རིག་ནས་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རངས་ནས་བཅོམ་ལྡན་འདས་ཀྱི་གན་ནས་སོང་ངོ་། །ལས་རྣམ་པར
490b5 འབྱེད་པ་རྫོགས་སོ། ། །།རྒྱ་གར་སྐད་དུ། ཀརྨ་བི་བྷངྒ་ན་མ་དྷརྨ་གྲནྠ། བོད་སྐད་དུ། ལས་ཀྱི་རྣམ་པར་འགྱུར་བ་ཞེས་བྱ་བའི་ཆོས་ཀྱི་གཞུང་། བམ་པོ་གཅིག
490b6 གོ|་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་རྒྱལ་བུ
490b7 རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་དགེ་སློང་གི་དགེ་འདུན་ཆེན་པོ་བརྒྱ་ཕྲག་ཕྱེད་དང་བཅུ་གསུམ་དང་ལྷན་ཅིག་ཏུ་བཞུགས་ཏེ། དེ་ནས་ཏོའུ་ཏེ་ཡའི
iiif viewer powered by OpenSeadragon
