| e-texts navigator |
| Wylie |
488a1 ཏེ་འདོད་དེ་རྒྱལ་རིགས་ཆེ་ཞིང་མཐོ་བའི་རིགས་སུ་སྐྱེ་བར་གྱུར་ཅིག་ཅེའམ། བྲམ་ཟེའི་རིགས་ཆེ་ཞིང་མཐོ་བའི་རིགས་སུ་སྐྱེ་བར་འགྱུར་ཅིག་ཅེའམ།
488a2 ཁྱིམ་བདག་ཆེ་ཞིང་མཐོ་བའི་རིགས་སུ་སྐྱེ་བར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ། །གལ་ཏེ་འདོད་དེ་བདག་གྲོང་གི་གཙོ་བོར་གྱུར་ཅིག་ཅེའམ། གྲོང་ཁྱེར
488a3 གྱི་གཙོ་བོར་གྱུར་ཅིག་ཅེའམ། གྲོང་རྡལ་གྱི་གཙོ་བོར་གྱུར་ཅིག་ཅེའམ། རི་བྲགས་ཀྱི་རྒྱལ་པོར་གྱུར་ཅིག་ཅེའམ། རྒྱལ་ཕྲན་དུ་གྱུར་ཅིག་ཅེའམ། རྒྱལ་པོ་བཙན་པར་གྱུར་ཅིག
488a4 ཅེ་ན། དེའི་སྨོན་ལམ་དེ་བཞིན་དུ་འགྲུབ་པར་འགྱུར་རོ། །གལ་ཏེ་འདོད་དེ་གླིང་གཅིག་པའི་རྒྱལ་པོར་གྱུར་ཅིག་ཅེའམ། གླིང་གཉིས་ཀྱི་རྒྱལ་པོར་གྱུར་ཅིག་ཅེའམ། གླིང
488a5 གསུམ་གྱི་རྒྱལ་པོར་གྱུར་ཅིག་ཅེའམ། འཁོར་ལོས་བསྒྱུར་བའི་རྒྱལ་པོར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ། །གལ་ཏེ་འདོད་དེ་རྒྱལ་ཆེན་བཞིའི་རིས་ཀྱི
488a6 ལྷ་རྣམས་དང་སྐལ་པ་མཉམ་པར་སྐྱེ་བར་གྱུར་ཅིག་ཅེ་ན་ཡང་དེའི་སྨོན་པ་དེ་འགྲུབ་པར་འགྱུར་རོ། །སུམ་ཅུ་རྩ་གསུམ་དང་། འཐབ་བྲལ་དང་། དགའ་ལྡན་དང་། འཕྲུལ
488a7 དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་དང་སྐལ་པ་མཉམ་པར་སྐྱེ་བར་གྱུར་ཅིག་ཅེ་ན་ཡང་དེའི་སྨོན་པ་དེ་འགྲུབ་པར་འགྱུར་རོ། །གལ་ཏེ་འདོད་དེ་བདག་ཚངས་རིགས
iiif viewer powered by OpenSeadragon
