| e-texts navigator |
| Wylie |
486b1 བ་དང་། ཀུན་གྱི་རྟེན་དུ་འགྱུར་བ་དང་། ཕྱོགས་བཅུར་བརྗོད་པ་དང་། སྒྲ་དང་། ཚིགས་སུ་བཅད་པ་རྒྱ་ཆེན་པོ་མངོན་དུ་འབྱུང་བར་འགྱུར་བ་དང་། ལྷ་དང་། མིས་མཆོད་པར
486b2 འགྱུར་བ་དང་། ཕྱུག་ཅིང་ནོར་མང་པོ་དང་ལྡན་པར་འགྱུར་བ་དང་། འཁོར་ལོས་བསྒྱུར་བའི་རྒྱལ་སྲིད་འཐོབ་པར་འགྱུར་བ་དང་། ཚེ་རིང་བར་འགྱུར་བ་དང་། ལུས་རྡོ་རྗེ་ལྟར
486b3 མཁྲེགས་པར་འགྱུར་བ་དང་། ལུས་མཚན་དང་། དཔེ་བྱད་དང་ལྡན་པར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅོ
486b4 བརྒྱད་པོ་དེ་དག་ནི་དེ་བཞིན་གཤེགས་པའི་མཆོད་རྟེན་བྱེད་པའི་ཕན་ཡོན་ནོ། །ཁྲི་སྟན་བྱིན་པའི་ཕན་ཡོན་བཅུ་ཡོད་དེ། བཅུ་གང་ཞེ་ན། འཇིག་རྟེན་གྱི་བླ་མའི་གནས
486b5 སུ་འགྱུར་བ་དང་། བསྔགས་པར་འགྱུར་བ་དང་། སྐྱེ་བོ་མང་པོ་ལ་གྲགས་པ་དང་། བརྗོད་པ་དང་། སྒྲ་དང་ཚིགས་སུ་བཅད་པ་མང་པོ་མངོན་དུ་འབྱུང་བར་འགྱུར་བ་དང་།
486b6 བདེ་བ་དང་། ཡིད་བདེ་བ་མང་པར་འགྱུར་བ་དང་། བཞོན་པ་དང་། ཁྲི་སྟན་དང་། རིམ་གྲོ་བྱེད་པ་དང་ལྡན་པར་འགྱུར་བ་དང་། འཇིག་རྟེན་པ་རྣམས་འཁོར་ཞིང་འདུ་བར
486b7 འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། དབང་ཆེ་བར་གྲགས་པར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ།
iiif viewer powered by OpenSeadragon
