| e-texts navigator |
| Wylie |
482b1 དང་། དགེ་འདུན་ལ་གུས་པར་མི་འགྱུར་བ་དང་། སྡིག་པའི་གྲོགས་པོས་ཡོངས་སུ་ཟིན་པར་འགྱུར་བ་དང་། དགེ་བའི་བཤེས་གཉེན་གྱིས་རྣམ་པར་སྤངས་པ་དང་། ངོ་ཚ་མེད
482b2 པར་འགྱུར་བ་དང་། འཛེམ་པ་མེད་པར་འགྱུར་བ་དང་། དབང་པོའི་སྒོ་མ་བསྡམས་པར་འགྱུར་བ་དང་། བུད་མེད་རྣམས་ལ་ཤིན་ཏུ་བག་མེད་པར་འགྱུར་བ་དང་། སྐྱེ་བོ་མང
482b3 པོའི་ཡིད་དུ་མི་འོང་བར་འགྱུར་བ་དང་། སྐྱེ་བོ་མང་པོ་དང་མི་མཐུན་པ་དང་། ཉེ་དུ་དང་། སྣག་གི་གཉེན་མཚམས་བཙུན་པ་རྣམས་ཀྱིས་སྨད་པར་འགྱུར་བ་དང་། དམ་པའི
482b4 ཆོས་མ་ཡིན་པ་ཡོངས་སུ་འཛིན་པ་དང་། དམ་པའི་ཆོས་ཡོངས་སུ་སྤོང་བ་དང་། མཁས་པ་རྣམས་དེ་ལ་ཡིད་མི་འཇོག་པར་སེམས་པ་དང་། བག་བྱ་བ་ལ་གཡེལ་བ
482b5 དང་། དེ་མྱ་ངན་ལས་འདས་པ་ལས་རིང་དུ་འགྱུར་བ་དང་། མྱོས་པར་འགྱུར་བའི་ལས་བྱེད་ཅིང་གསོག་པ་དང་། ལུས་ཞིག་ནས་ཚེ་འཕོས་པའི་འོག་ཏུ་ངན་སོང་ངན་འགྲོ་ལོག
482b6 པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བའོ། །དེ་བཞིན་གཤེགས་པའི་མཆོད་རྟེན་ལ་ཐལ་མོ་སྦྱར་བའི་ཕན་ཡོན་ནི་བཅུ་ཡོད་དེ། བཅུ་གང་ཞེ་ན། རྒྱ་ཆེན་པོའི
482b7 ཁྱིམ་དུ་སྐྱེ་བ་འཐོབ་པ་དང་། རྒྱ་ཆེ་བའི་གཟུགས་དང་། རྒྱ་ཆེ་བའི་གཡོག་འཁོར་དང་། རྒྱ་ཆེ་བའི་མཆོད་པ་དང་། བཀུར་སྟི་དང་། ནོར་རྒྱ་ཆེ་བ་དང་། ཐོས་པ་རྒྱ་ཆེ་བ་དང་། དད
iiif viewer powered by OpenSeadragon
