| e-texts navigator |
| Wylie |
481a1 གཅོད་པ་ལ་ཉེས་དམིགས་བཅུ་པོ་འདི་དག་འབྱུང་བར་རིག་པར་བྱ་སྟེ། བཅུ་གང་ཞེ་ན། དགྲ་མང་བ་དང་། མཐོང་ན་ཡིད་དུ་མི་འོང་བ་དང་། སྡིག་པ
481a2 རྣམས་སེམས་པ་དང་། དེས་སེམས་ཅན་རྣམས་འཇིག་པར་འགྱུར་བ་དང་། མི་བདེ་བཞིན་ཉལ་ཞིང་མི་བདེ་བཞིན་སད་པ་དང་། སྡིག་པ་ཅན་གྱི་རྨི་ལམ་རྨི་བ་དང་། རྨུགས་ཏེ
481a3 ཚེ་འཕོ་བའི་དུས་བྱེད་པ་དང་། འགྱོད་པར་འགྱུར་བ་དང་། ཚེ་ཐུང་བར་འགྱུར་བའི་ལས་བྱེད་ཅིང་གསོག་པ་དང་། ལུས་ཞིག་སྟེ་ཚེ་འཕོས་པའི་འོག་ཏུ་ངན་སོང་ངན་འགྲོ
481a4 ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །མ་བྱིན་པར་ལེན་པ་ལ་ཉེས་དམིགས་བཅུར་རིག་པར་བྱ་སྟེ། བཅུ་གང་ཞེ་ན། འཁོན་གཅུགས
481a5 སུ་འགྱུར་བ་དང་། དོགས་པར་འགྱུར་བ་དང་། དུས་མ་ཡིན་པར་རྒྱུ་བ་དང་། མཚན་མོ་རྒྱུ་བ་དང་། སྡིག་པའི་གྲོགས་པོས་ཡོངས་སུ་ཟིན་པ་དང་། དགེ་བའི་བཤེས
481a6 གཉེན་གྱིས་རྣམ་པར་སྤངས་པ་དང་། ཚུལ་ཁྲིམས་འཆལ་པར་འགྱུར་བ་དང་། རྒྱལ་པོའི་གནོད་པ་དང་། ཆད་པའི་གནོད་པ་འབྱུང་བ་དང་། ལོངས་སྤྱོད་ཀྱིས་ཕོངས
481a7 པར་འགྱུར་བའི་ལས་བྱེད་ཅིང་གསོག་པ་དང་། ལུས་ཞིག་ནས་ཚེ་འཕོས་པའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར
iiif viewer powered by OpenSeadragon
