| e-texts navigator |
| Wylie |
462a1 བྱིས་པ་རྣམས་ལ་འཁོར་བ་རིང་། །ཞེས་གསུངས་པ་ལྟ་བུ་སྟེ། ལས་དེ་ལྟ་བུ་ནི་དུད་འགྲོའི་སྐྱེ་གནས་སུ་སྐྱེ་བར་འགྱུར་བའོ། །དེ་ལ་གཤིན་རྗེའི
462a2 འཇིག་རྟེན་དུ་སྐྱེ་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་ཁྲོ་ཞིང་ཞེ་སྡང་བའི་སེམས་ཀྱིས་ལུས་དང་། ངག་དང་། ཡིད་ཀྱིས་ངན་དུ་སྤྱད་པ་དང་། འདོད་ཆགས་དང
462a3 མི་རིགས་པར་འདོད་པས་ལོག་པར་འཚོ་བ་དང་། བཀྲེས་ཤིང་སྐོམ་པ་དང་། ཁྲོས་བཞིན་དུ་ཚེ་འཕོས་པ་དང་། ནོར་ལ་མངོན་པར་ཆགས་པའི་སེམས་ཀྱིས་ཚེ་འཕོས་པ
462a4 སྟེ|་དཔེར་ན། བརྒྱ་བསྡུས་པའི་མདོ་ལས། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། གང་ཟག་ལ་ལ་ཚེ་རབས་སྔ་མ་ལ་བྱས་པའི་ལས
462a5 ཉེ་བར་གནས་པར་གྱུར་ཏམ། ཚེ་འཕོ་བའི་ཚེ་ལོག་པར་ལྟ་བར་གྱུར་པ་བཙན་ནོ་ཞེས་གསུངས་པ་ལྟ་བུ་སྟེ། ལས་དེ་ལྟ་བུ་ནི་གཤིན་རྗེའི་འཇིག་རྟེན་དུ་སྐྱེ་བར་འགྱུར་བའོ། །
462a6 དེ་ལ་ལྷ་མ་ཡིན་གྱི་འཇིག་རྟེན་དུ་སྐྱེ་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་ལུས་དང་། ངག་དང་། ཡིད་ཀྱིས་ཉེས་པ་ཆུང་དུ་སྦྱང་བ་དང་། ང་རྒྱལ་དང་། མངོན
462a7 པའི་ང་རྒྱལ་དང་། ངའོ་ཞེས་པའི་ང་རྒྱལ་དང་། ཆུང་བའི་ངན་རྒྱལ་དང་། ལེགས་པ་སྤྱད་པའི་དགེ་བའི་རྩ་བ་དེར་བསྔོས་པ་དང་། ཤེས་རབ་ཀྱི་སྒོ་ནས་འདོད་ཆགས་ཀུན་གྱི
iiif viewer powered by OpenSeadragon
