| e-texts navigator |
| Wylie |
461a1 སྐྱེ་བར་འགྱུར་བའི་ལས་ཡོད་དེ། དེ་གང་ཞེ་ན། ལུས་དང་། ངག་དང་། ཡིད་ཀྱིས་ཉེས་པ་འབྲིང་དུ་བྱས་པ་དང་། འདོད་ཆགས་ལས་བྱུང་བའི་ལས
461a2 སྣ་ཚོགས་དང་། ཞེ་སྡང་ལས་བྱུང་བའི་ལས་སྣ་ཚོགས་དང་། གཏི་མུག་ལས་བྱུང་བའི་ལས་སྣ་ཚོགས་དང་། ཕ་མ་དང་། རབ་ཏུ་བྱུང་བ་རྣམས་ལ་ཚུལ་དང་མི་འདྲ་བའི་སྦྱིན
461a3 པར་བྱེད་པ་དང་། དུད་འགྲོའི་སྐྱེ་གནས་སུ་སྐྱེས་པའི་སེམས་ཅན་རྣམས་ལ་ཕྱས་བྱེད་པ་དང་། དེ་ལྟར་སྨོན་པ་སྟེ། དཔེར་ན། བ་ལང་གི་བརྟུལ་ཞུགས་ཅན་དང་། བྱའི
461a4 བརྟུལ་ཞུགས་ཅན་ལ་སོགས་པ་དེ་ལྟར་སྐྱེ་བར་ཤོག་ཅིག་ཅེས་སྨོན་པ་རྣམས་དང་། བྱང་ཆུབ་སེམས་དཔའི་ཆེད་དུ་བརྗོད་པ་སེང་གེའི་སྐྱེས་པའི་རབས་ལས་བྱུང
461a5 བ་དང་། བྲམ་ཟེ་ཆར་འབེབས་སྤྲེའུར་སྐྱེས་པར་གྱུར་པ་སྟེ། དཔེར་ན། བྲམ་ཟེ་ཆར་འབེབས་ཀྱིས་གནས་བརྟན་འོད་སྲུང་ཆེན་པོ་བྱ་རྒོད་ཕུང་པོའི་རི་ལ། རྒྱལ་པོའི
461a6 ཁབ་ཀྱི་སྟེང་ནས་ནམ་མཁའ་ལ་འགྲོ་བ་མཐོང་ནས། ལྷས་བྱིན་དང་མ་སྐྱེས་དགྲའི་བསྟེན་ལས་ཞེ་སྡང་བའི་སེམས་སུ་གྱུར་ཏེ། དགེ་སློང་འདི་ནི་རི་ལས་རིར། ནམ
461a7 མཁའ་ལས་ནམ་མཁར། སྤྲེའུ་ཤིང་ལས་ཤིང་གི་སྟེང་དུ་འཛེག་པ་དང་འདྲ་བར་འགྲོའོ་ཞེས་མི་སྙན་པའི་ཚིག་ཏུ་བརྗོད་པ་དེ་བཅོམ་ལྡན་འདས་ལ་གསོལ་ཏོ། །
iiif viewer powered by OpenSeadragon
