| e-texts navigator |
| Wylie |
460b1 འདི་ལ་ཡོངས་སུ་འདྲི་ཕོད་པའི་ངང་ཚུལ་ཅན་ལ་ལ་ཞིག་གིས་དགེ་སྦྱོང་དང་། བྲམ་ཟེ་མཁས་པ་ལ་འདྲི་བ་དང་། ཤེས་རབ་འཆལ་བ་ཡོངས་སུ་སྤོང་བ་དང་། དམ་པའི་ཆོས་སྟོན་ཅིང
460b2 གསལ་བར་བྱེད་པ་དང་། དམ་པའི་ཆོས་མ་ཡིན་པ་ལ་རྣམ་པར་སྨོད་པ་དང་། ཆོས་སྨྲ་བ་རྣམས་ལ་མི་འཇིགས་པ་ཉེ་བར་སྒྲུབ་པ་དང་། རིགས་པ་ལ་ལེགས་སོ་ཞེས་ཟེར་བ་དང་།
460b3 མི་རིགས་པ་ཡོངས་སུ་སྤོང་བ་དང་། ཡང་དག་པར་ལྟ་བའི་ལེགས་པ་བརྗོད་པ་དང་། ལོག་པར་ལྟ་བ་ལ་ཉེས་པར་དམོད་པ་དང་། གླེགས་བམ་དང་། སྣག་ཚ་དང་། སྨྱུག་གུ
460b4 ལ་སོགས་པའི་སྦྱིན་པ་བྱེད་པ་དང་། ཆང་མི་འཐུང་བ་སྟེ། དཔེར་ན། དགའ་བོའི་མདོ་ལས། ཆང་གི་ཉེས་པ་སུམ་ཅུ་རྩ་ལྔ་གསུངས་པ་དགེ་བའི་ཕྱོགས་སུ་སྦྱར་བ་ལྟ་བུ་སྟེ། ལས
460b5 དེ་ལྟ་བུ་ནི་ཤེས་རབ་ཆེ་བར་འགྱུར་བའོ། །དེ་ལ་སེམས་ཅན་དམྱལ་བར་སྐྱེ་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་ཤིན་ཏུ་ཞེ་སྡང་བའི་སེམས་ཀྱིས་ལུས་དང་། ངག་དང་།
460b6 ཡིད་ཀྱི་ཉེས་པ་ཆེར་བྱས་པ་དང་། ཆད་པར་ལྟ་བ་དང་། རྟག་པར་ལྟ་བ་དང་། མེད་པར་ལྟ་བ་དང་། སེར་སྣ་ཆེ་བ་དང་། དྲིན་དུ་མི་གཟོ་བ་དང་། མཚམས་མེད་པའི་ལས་བྱེད་པ
460b7 དང་|་འཕགས་པ་དང་ཚུལ་ཁྲིམས་དང་ལྡན་པ་རྣམས་ལ་སྐུར་པ་འདེབས་པ་སྟེ། ལས་དེ་ལྟ་བུ་ནི་སེམས་ཅན་དམྱལ་བར་སྐྱེ་བར་འགྱུར་རོ། །དེ་ལ་དུད་འགྲོའི་སྐྱེ་གནས་སུ
iiif viewer powered by OpenSeadragon
