| e-texts navigator |
| Wylie |
460a1 པར་དགའ་བ་སྟེ། མདོ་དེ་ཉིད་ལས། དགེ་སློང་དག་།གཞན་ཡང་། ཚུལ་ཁྲིམས་དང་ལྡན་པ་རྣམས་འོངས་པ་དག་ལ་སྦྱིན་པ་བྱེད་ཅིང་། བསོད་ནམས
460a2 བྱེད་པའི་རིགས་དེ་དག་དེའི་ཚེ་ལོངས་སྤྱོད་ཆེ་བར་འགྱུར་བའི་ལམ་དུ་ཞུགས་པ་ཡིན་ནོ། །ཞེས་གསུངས་པ་ལྟ་བུ་སྟེ། ལས་དེ་ལྟ་བུ་ནི་ལོངས་སྤྱོད་ཆེ་བར་འགྱུར་བའོ། །
460a3 དེ་ལ་ཤེས་རབ་ཆུང་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་འདི་ལ་ལ་ལ་ཞིག་དགེ་སྦྱོང་ངམ་བྲམ་ཟེ་གཞན་དག་ལ་ཆོས་ནི་གང་ཡིན། ཆོས་མ་ཡིན་པ་ནི
460a4 གང་ཡིན། བདག་གིས་ཅི་ཞིག་བྱས་ན་ལེགས་པར་འགྱུར་ཞེས་མི་འདྲིའི། །ཤེས་རབ་འཆལ་བ་ལ་བསྟོད་ཅིང་མཁས་པ་རྣམས་སྤོང་བ་དང་། དམ་པའི་ཆོས་མ་ཡིན་པ
460a5 ཡོངས་སུ་སྟོན་ཅིང་ཆོས་སྨྲ་བ་རྣམས་ཀྱིས་ལེགས་པར་བརྗོད་པ་ཤེས་ཀྱང་འཇུངས་པའི་སེམས་ཡོད་པས་ལེགས་སོ་ཞེས་མི་བརྗོད་ཅིང་། དམ་པའི་ཆོས་མ་ཡིན་པ་སྨྲ
460a6 བ་རྣམས་ལ་ལེགས་སོ་ཞེས་བརྗོད་ཅིང་ལོག་པར་ལྟ་བའི་བསྔགས་པ་བརྗོད་པ་དང་། ཡང་དག་པའི་ལྟ་བ་ལ་ཉེས་པར་སྨོད་པ་དང་། གླེགས་བམ་འདྲི་བ་དང་། ཀློག་པ་ལ
460a7 ངན་དུ་བརྗོད་པ་དང་། དེ་དག་གི་འཚོ་བ་འཕྲོག་པ་སྟེ། ལས་དེ་ལྟ་བུ་ནི་ཤེས་རབ་ཆུང་བར་འགྱུར་བའོ། །དེ་ལ་ཤེས་རབ་ཆེ་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི
iiif viewer powered by OpenSeadragon
