| e-texts navigator |
| Wylie |
459b1 པའི་ལས་བྱེད་དེ། དེའི་ཚེ་རིགས་དེ་དག་རིགས་མཐོ་བར་འགྱུར་བའི་ལམ་དུ་ཞུགས་པ་ཡིན་ནོ་ཞེས་གསུངས་པ་ལྟ་བུ་སྟེ། ལས་དེ་ལྟ་བུ་ནི་རིགས་མཐོ་བར་འགྱུར་བའོ། །དེ་ལ་ལོངས
459b2 སྦྱོད་ཆུང་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་མ་བྱིན་པར་ལེན་པ་དང་། མ་བྱིན་པར་ལེན་པར་བསྐུལ་བ་དང་། མ་བྱིན་པར་ལེན་པའི་ལེགས་པ་བརྗོད་པ་དང་། དེ
459b3 ལ་རྗེས་སུ་དགའ་བ་དང་། མ་བྱིན་པར་བླངས་པས་དགའ་བ་དང་། ཕ་མའི་འཚོ་བ་འཕྲོག་པ་དང་། འཕགས་པ་དང་ཚུལ་ཁྲིམས་དང་ལྡན་པའི་འཚོ་བ་འཕྲོག་པ་དང་། རབ་ཏུ
459b4 བྱུང་བ་རྣམས་དང་། བྱིས་པ་དང་། རྒན་པ་དང་། ཕོངས་པ་དང་། ནད་པ་རྣམས་ཀྱི་འཚོ་བ་འཕྲོག་པ་དང་། གཞན་གྱིས་མཐོབ་ན་དགའ་བ་དང་། གཞན་གྱིས་ཐོབ་པར་འགྱུར་བ
459b5 ལ་བགེགས་བྱེད་པ་དང་། ལོ་ཉེས་སུ་དགའ་བ་སྟེ། ལས་དེ་ལྟ་བུ་ནི་ལོངས་སྤྱོད་ཆུང་བར་འགྱུར་བའོ། །དེ་ལ་ལོངས་སྤྱོད་ཆེ་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་མ
459b6 བྱིན་པར་ལེན་པ་སྤངས་པ་དང་། གཞན་གྱིས་མ་བྱིན་པར་ལེན་པ་སྤངས་ན་རྗེས་སུ་དགའ་བ་དང་། ཕ་མ་ལ་འཚོ་བ་འབུལ་བ་དང་། འཕགས་པ་དང་། ཚུལ་ཁྲིམས་དང་ལྡན་པ
459b7 རྣམས་ལ་འཚོ་བ་འབུལ་བ་དང་། ནད་པ་དང་། བྱིས་པ་དང་། རྒན་པ་དང་། ཕོངས་པ་གཞན་ལའང་འཚོ་བའི་སྦྱིན་པ་བྱེད་པ་དང་། གཞན་གྱིས་ཐོབ་ན་དགའ་བ་དང་། ལོ་ལེགས
iiif viewer powered by OpenSeadragon
