| e-texts navigator |
| Wylie |
458a1 ཕྱས་འདོགས་པ་དང་། གཙང་སྦྲ་ཆུང་བ་སྟེ། ལས་དེ་ལྟ་བུ་ནི་ཁ་དོག་མི་སྡུག་པར་འགྱུར་བའོ། །དེ་ལ་མཛེས་པར་འགྱུར་བའི་ལས་ཡོད་དེ། དེ
458a2 གང་ཞེ་ན། དེ་ནི་མི་ཁྲོ་བ་དང་། འཁོན་དུ་མི་འཛིན་པ་དང་། མི་འཆབ་པ་དང་། མི་ཚིག་པ་དང་། གོས་ཀྱི་སྦྱིན་པ་བྱེད་པ་དང་། མཆོད་རྟེན་དང་། གཙུག་ལག་ཁང་དག་ལ་རྡོ་ཐལ
458a3 གྱིས་སྐྱང་ནུལ་བྱེད་པ་དང་། སྣོད་སྤྱད་སྡུག་གུའི་སྦྱིན་པ་བྱེད་པ་དང་། སྤོས་དང་། བྱུག་པ་དང་། གོས་དང་། རྒྱན་གྱི་སྦྱིན་པ་བྱེད་པ་དང་། ཕ་མའི་ལེགས་པ་བརྗོད་པ་དང་།
458a4 འཕགས་པ་དང་། ཚུལ་ཁྲིམས་དང་ལྡན་པ་དག་གི་ལེགས་པ་བརྗོད་པ་དང་། མཆོད་རྟེན་གྱི་གཞི་དང་། གཙུག་ལག་ཁང་དང་། ཁྱིམ་གྱི་ཕྱག་དར་རྟག་ཏུ་བྱེད་པ་དང་། སེམས
458a5 ཅན་མི་སྡུག་པ་རྣམས་ཕྱས་མི་བྱེད་པ་དང་། དེ་བཞིན་དུ་རྒན་པའམ། གཞོན་པ་གཞན་དག་ལ་ཕྱས་མི་བྱེད་པ་དང་། གཙང་སྦྲ་ཆེ་བ་སྟེ། ལས་དེ་ལྟ་བུ་ནི་མཛེས་པར་འགྱུར
458a6 བའོ|་|དེ་ལ་མཐུ་ཆུང་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་སེར་སྣ་བྱེད་པ་དང་། ཕྲག་དོག་ཆེ་བ་དང་། གཞན་གྱིས་ཐོབ་ན་མི་དགའ་བ་དང་། གཞན་ལ་མི་སྙན་པར
458a7 བརྗོད་ན་དགའ་བ་དང་། ཕ་མ་ལ་བརྙས་པ་དང་། འཕགས་པ་དང་། ཚུལ་ཁྲིམས་དང་ལྡན་པ་ལ་བརྙས་པ་དང་། ནད་པ་དང་། རྒན་པ་དང་། གཞོན་པ་ལ་བརྙས་པ་དང་། ཆོས
iiif viewer powered by OpenSeadragon
