| e-texts navigator |
| Wylie |
457b1 སེམས་མི་བདེ་བར་བྱས་པ་དང་། མི་མཛའ་བ་ནད་ཀྱིས་བཏབ་པ་ལ་དགའ་བར་སེམས་པ་དང་། མི་མཛའ་བ་ནད་སོས་ན་མི་དགའ་བར་སེམས་པ་དང་། ནད་པ་ལ་སྨན་མ་ཡིན་པ
457b2 བྱིན་པ་དང་། ཟས་མ་ཞུ་བར་བསྟབས་པ་སྟེ། ལས་དེ་ལྟ་བུ་ནི་ནད་མང་བར་འགྱུར་རོ། །དེ་ལ་ནད་ཉུང་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་ཐལ་མོ་དང་། ཁུ་ཚུར་གྱིས
457b3 རྡེག་པ་དང་། ཐལ་མོ་དང་། ཁུ་ཚུར་གྱིས་རྡེག་པ་སྤོང་བར་བསྐུལ་བ་དང་། དེའི་ཡོན་ཏན་བརྗོད་པ་དང་། དེ་ལ་རྗེས་སུ་དགའ་བ་དང་། ཕ་མ་ན་བའི་རིམ་གྲོ་བྱེད་པ་དང་། ཁྱིམ་པ་དང་།
457b4 རབ་ཏུ་བྱུང་བ་དང་། རྒན་ནམ། གཞོན་ཡང་རུང་སྟེ། ན་ན་རིམ་གྲོ་བྱེད་པ་དང་། མི་མཛའ་བ་ནའང་མི་དགའ་བར་སེམས་པ་དང་། དེའི་ནད་སོས་ན་དགའ་བར་སེམས་པ་དང་། སྨན་གྱི
457b5 སྦྱིན་པ་བྱེད་པ་དང་། ཁ་ཟས་ཞུ་ནས་སྟོབས་པ་སྟེ། ལས་དེ་ལྟ་བུ་ནི་ནད་ཉུང་བར་འགྱུར་རོ། །དེ་ལ་ཁ་དོག་མི་སྡུག་པར་འགྱུར་པའི་ལས་ཡོད་དེ། དེ་གང་ཞེ་ན། དེ་ནི་ཁྲོ་བ་དང་།
457b6 འཁོན་དུ་འཛིན་པ་དང་། འཆབ་པ་དང་། ཚིག་པ་དང་། ཕ་མ་ལ་ངན་དུ་བརྗོད་པ་དང་། ཁྱིམ་པ་དང་། རབ་ཏུ་བྱུང་བ་རྒན་གཞོན་ལ་ངན་དུ་བརྗོད་པ་དང་། མཆོད་རྟེན་དང་།
457b7 གཙུག་ལག་ཁང་དང་། མཆོད་རྟེན་གྱི་ས་གཞི་མི་སྡུག་པར་བྱས་པ་དང་། མཆོད་རྟེན་དང་། སྐུ་གཟུགས་ཀྱི་མར་མེ་བསད་པ་དང་། སེམས་ཅན་ཁ་དོག་མི་སྡུག་པ་རྣམས་ལ
iiif viewer powered by OpenSeadragon
