| e-texts navigator |
| Wylie |
457a1 པའི་ལེགས་པ་བརྗོད་པ་དང་། དེ་ལ་བསྐུལ་བ་དང་། དེའི་ལེགས་པ་བརྗོད་པ་དང་། གསད་པར་བྱ་བའི་མི་དང་། བ་ལང་དང་། ཕག་དང་། བྱ་ལ
457a2 སོགས་པ་སྲོག་བྱིན་པ་དང་། སེམས་ཅན་འཇིགས་པས་ཉེན་པ་རྣམས་ལ་མི་འཇིགས་པ་སྦྱིན་པ་དང་། སེམས་ཅན་མགོན་མེད་པ་རྣམས་ལ་སྙིང་རྗེའི་སེམས་བསྐྱེད་པ་དང་།
457a3 ནད་པ་དང་། བྱིས་པ་དང་། རྒན་པ་རྣམས་ལ་བྱམས་པའི་སེམས་བསྐྱེད་པ་དང་། དེ་དག་ལ་ཟས་ཀྱི་སྦྱིན་པ་བྱེད་པ་དང་། སློང་པ་ལ་བྱམས་པའི་སེམས་བསྐྱེད་པ་དང་། དམག
457a4 ལ་སོགས་པ་སྔར་སྨོན་པ་ཐམས་ཅད་བཟློག་སྟེ། དགེ་བའི་ཕྱོགས་བྱས་པ་དང་། དེ་བཞིན་དུ་མཆོད་རྟེན་དང་གཙུག་ལག་ཁང་ཞིག་པ་དག་བཅོས་ལེགས་བྱས་པ་སྟེ།
457a5 མདོ་དེ་ཉིད་ལས། ཞིག་ཅིང་རལ་བ་སུས་བཅོས་པ། །དེ་ལ་ཚེ་འཕྲོག་བདུད་མི་འབྱུང་། །ཞེས་གསུངས་པ་ལྟ་བུ་སྟེ། ལས་དེ་ལྟ་བུ་ནི་ཚེ་རིང་བར་འགྱུར་བའོ། །དེ་ལ་ནད
457a6 མང་བར་འགྱུར་བའི་ལས་ཡོད་དེ། དེ་གང་ཞེ་ན། དེ་ནི་ཁྲོ་བ་དང་། ཁུ་ཚུར་དང་། ཐལ་མོས་རྡེག་པ་དང་། ཁུ་ཚུར་དང་། ཐལ་མོས་རྡེག་པ་ལ་རྗེས་སུ་དགའ་བ་དང་། ཁུ་ཚུར་དང་།
457a7 ཐལ་མོས་རྡེག་པའི་ཡོན་ཏན་བརྗོད་པ་དང་། དེ་ལ་བསྐུལ་བ་དང་། ཕ་མའི་སེམས་དང་ལུས་མི་བདེ་བར་བྱས་པ་དང་། རབ་ཏུ་འབྱུང་བ་ཚུལ་ཁྲིམས་དང་ལྡན་པ་དག་གི
iiif viewer powered by OpenSeadragon
