| e-texts navigator |
| Wylie |
455b1 དུ|་ཀརྨ་བི་བྷངྒ། བོད་སྐད་དུ། ལས་རྣམ་པར་འབྱེད་པ། བམ་པོ་དང་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས
455b2 ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་གྱི་ཚལ་མགོན་མེད་ཟས་སྦྱིན་གྱི་ཀུན་དགའ་བ་ན་བཞུགས་ཏེ། དེར་བཅོམ་ལྡན་འདས་ཀྱིས
455b3 བྲམ་ཟེའི་ཁྱེའུ་ཤུ་ཀ་ལ་བཀའ་སྩལ་བ། བྲམ་ཟེའི་ཁྱེའུ། ཁྱོད་ལ་ལས་རྣམ་པར་འབྱེད་པ་བསྟན་གྱི། དེ་ལེགས་པར་ཤིན་ཏུ་ཉོན་ལ་ཡིད་ལ་ཟུངས་ཤིག་དང་ངས་བཤད་ཀྱི། བཅོམ
455b4 ལྡན་འདས། དེ་ལྟར་བགྱིའོ་ཞེས་ནས་བྲམ་ཟེའི་ཁྱེའུ་ཤུ་ཀ་བཅོམ་ལྡན་འདས་ལ་ཕྱིར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་བུ།
455b5 ངས་ནི་སེམས་ཅན་རྣམས་བདག་གི་ལས་ལས་སུ་གྱུར་པ། ལས་ཀྱི་རྒྱུ་ལས་སྐྱེས་པ། ལས་སྐལ་བ་ལ་སྤྱོད་པ། ལས་ལ་བརྟེན་པར་གསུངས་ཏེ། བྲམ་ཟེའི་བུ། ལས་ནི་འདི
455b6 ལྟ་སྟེ|་སེམས་ཅན་རྣམས་རབ་དང་། འབྲིང་དང་། ཐ་མར་རྣམ་པར་འབྱེད་དོ། །དེ་ནི་འདི་ལྟར་ཚེ་ཐུང་བར་འགྱུར་བའི་ལས་ཡོད་དེ། དེ་ལ་ཚེ་ཐུང་བར་འགྱུར་བའི་ལས་གང་ཞེ་ན།
455b7 དེ་ནི་སྲོག་གཅོད་པ་དང་། སྲོག་གཅོད་པ་ལ་རྗེས་སུ་དགའ་བ་དང་། སྲོག་གཅོད་པའི་ལེགས་པ་བརྗོད་པ་དང་། མི་མཛའ་བ་ཚེ་འཕོ་བར་བསྐུལ་བ་དང་། མི་མཛའ་བ་ཚེ་འཕོས
iiif viewer powered by OpenSeadragon
