| e-texts navigator |
| Wylie |
451b1 དང་། བཞོན་པ་དང་། ཁྲི་སྟན་དང་། རིམ་གྲོ་བྱེད་པ་དང་མི་ལྡན་པར་མི་འགྱུར་བ་དང་། འཇིག་རྟེན་གྱིས་མངོན་དུ་འགྲོ་བར་བྱ་བར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་།
451b2 དབང་ཆེ་བར་གྲགས་པར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་ཁྲི་སྟན་སྦྱིན་པའི་ཕན་ཡོན་ནོ། །ལྷམ
451b3 སྦྱིན་པའི་ཕན་ཡོན་བཅུ་སྟེ། བཅུ་གང་ཞེ་ན། དེ་བཞོན་པ་རྣམས་ཀྱིས་བྲེལ་བར་མི་འགྱུར་བ་དང་། རྐང་པ་ལེགས་པར་གནས་པར་འགྱུར་བ་དང་། ལམ་དུ་འགྲོ་ན་སྟོབས
451b4 དང་ལྡན་པར་འགྱུར་བ་དང་། དེའི་ལུས་ངལ་བར་མི་འགྱུར་བ་དང་། དེ་འགྲོ་ན་ཚེར་མ་དང་། གསེག་མ་དང་། གྱོ་མོ་རྣམས་ཀྱིས་རྐང་པ་རྨས་པར་མི་འགྱུར་བ་དང་། རྫུ་འཕྲུལ
451b5 ཐོབ་པར་འགྱུར་བ་དང་། དེ་རིམ་གྲོ་བྱེད་པ་དང་མི་ལྡན་པར་མི་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས
451b6 འདའ་བ་སྟེ། བཅུ་པོ་དེ་དག་ནི་ལྷམ་སྦྱིན་པའི་ཕན་ཡོན་ནོ། །སྣོད་སྦྱིན་པའི་ཕན་ཡོན་བཅུ་སྟེ། བཅུ་གང་ཞེ་ན། འཇིག་རྟེན་གྱི་ཡོན་ཏན་གྱི་སྣོད་ལྟ་བུར་འགྱུར་བ་དང་། མདོག
451b7 སྣུམ་པར་འགྱུར་བ་དང་། སེམས་ཀྱི་རྒྱུད་མཉེན་པར་འགྱུར་བ་དང་། སྐོམ་པར་མི་འགྱུར་བ་དང་། སྐོམ་ནའང་ཆུ་འབྱུང་བར་འགྱུར་བ་དང་། ཡི་དྭགས་སུ་སྐྱེ་བར་མི་འགྱུར་བ་དང་། ལྷ་དང་། མི་རྣམས
iiif viewer powered by OpenSeadragon
