| e-texts navigator |
| Wylie |
430b1 ཚིག་གཟུང་བར་མི་འོས་པ་དང་། ལོངས་སྤྱོད་ཆེ་བ་དང་། ལོངས་སྤྱོད་ཆུང་བ་དང་། ཤེས་རབ་འཆལ་བ་དང་། ཤེས་རབ་ཆེན་པོར་གྱུར་པ། ཀྱེ་གོའུ་ཏ་མ། ལས་གང་གི་རྣམ་པར
430b2 སྨིན་པས། སེམས་ཅན་འདི་དག་ལས་སྣ་ཚོགས་སུ་གདའ། བྲམ་ཟེའི་ཁྱེའུ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །བྲམ་ཟེའི་ཁྱེའུ། སེམས
430b3 ཅན་རྣམས་ནི་ལས་བདག་གིར་འགྱུར་བ། ལས་ཀྱི་བགོ་སྐལ་ལ་སྤྱོད་པ། ལས་ཀྱི་སྐྱེ་གནས་ཅན། ལས་ལ་སྟོན་པ་སྟེ། བྲམ་ཟེའི་ཁྱེའུ། སེམས་ཅན་རྣམས་ནི་ལས་ཀྱིས་འདི
430b4 ལྟ་སྟེ། དམན་པ་དང་། མཆོག་དང་། འབྲིང་དང་། མཆོག་དང་། མཐོན་པོ་དང་། དམའ་བ་དང་། ངན་པ་དང་། བཟང་པོ་རྣམས་སུ་རྣམ་པར་ཕྱེའོ། །གོའུ་ཏ་མ། ཁྱོད་ཀྱིས་མདོར
430b5 བཤད་དེ་རྣམ་པར་མ་ཕྱེད་པ་འདི་བདག་གིས་དོན་རྒྱ་ཆེར་མ་འཚལ་ཏོ། །བྲམ་ཟེའི་ཁྱེའུ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །སེམས
430b6 ཅན་རྣམས་ཀྱི་ལས་སྣ་ཚོགས་དང་། ཉོན་མོངས་པ་སྣ་ཚོགས་དང་། ལྟ་བ་སྣ་ཚོགས་དང་། སྤྱོད་པ་སྣ་ཚོགས་རིག་ནས། ལས་ནག་པོ་དང་། དཀར་པོ་རྣམས་ཀྱི་འབྲས་བུ
430b7 རྣམ་པར་སྨིན་པ་བརྗོད་པར་བྱ་སྟེ། བྲམ་ཟེའི་ཁྱེའུ། ལས་ནག་པོས་ནི་ངན་སོང་སེམས་ཅན་དམྱལ་བ་དང་། དུད་འགྲོ་དང་། ཡི་དྭགས་རྣམས་ཀྱི་ནང་དུ་སྐྱེའོ། །ལས་དཀར
iiif viewer powered by OpenSeadragon
