| e-texts navigator |
| Wylie |
428b1 ལུས་དང་བྲལ་ནས། དམན་པ་ཁྱིའི་གནས་སུ་སྐྱེས་སོ། །ཀྱེ་གོའུ་ཏ་མ། བདག་གི་ཕ་ཏེའུ་ཏེ་ཡ་ནི་མཆོད་སྦྱིན་བགྱིས་པ། སྦྱིན་སྲེག་བགྱིས་པ། མཆོད་སྡོང་བསྒྲེང་བ
428b2 ལགས་ན། དེ་ཅིའི་སླད་དུ་འདི་ལྟར་འགྱུར། དེ་ནི་ལུས་དང་བྲལ་ནས་ཚངས་པའི་འཇིག་རྟེན་བཟང་པོར་སྐྱེ་བར་འགྱུར་རོ། །བྲམ་ཟེའི་ཁྱེའུ་ཁྱོད་ཀྱི་ཕ་ཏོའུ་ཏེ་ཡ་ནི། ང
428b3 རྒྱལ་ལས་ང་རྒྱལ་ཉིད་ཀྱིས་དམན་པ་ཁྱིའི་གནས་སུ་སྐྱེས་སོ། །བྲམ་ཟེའི་ཁྱེའུ། གལ་ཏེ་ངས་སྨྲས་པ་ལ་ཡིད་མི་ཆེས་ན། བྲམ་ཟེའི་ཁྱེའུ། ཁྱོད་དེའི་ཕྱིར་རང་གི་ཁྱིམ་དུ་སོང་ལ་ཕྱིན
428b4 པ་དང་། ཁྱི་དུང་ལ། འདི་སྐད་དུ་གལ་ཏེ་ཁྱི་དུང་ཁྱོད་ཚེ་སྔ་མ་ལ་ངའི་ཕ་ཏོའུ་ཏེ་ཡར་གྱུར་པ་ལྟ་ན། རས་ཀོ་ནི་ཀ་བཏིང་བའི་ཁྲི་ལ་འདུག་ཅིག་ཅེས་སྨྲོས་ཤིག་།ཁྲི་ལ་འདུག་པ་དང་ཚིག་འདི
428b5 སྐད་དུ་གལ་ཏེ་ཁྱི་དུང་ཁྱོད་ཚེ་སྔ་མ་ལ་ངའི་ཕ་ཏོའུ་ཏེ་ཡར་གྱུར་པ་ལྟ་ན། ཁར་གཞོང་རྡོ་བའི་ཁར་བླངས་པ་ལ་འབྲས་ཆན་དང་ཤ་བསྲེས་པའི་ཁྲུད་མ་འཐུངས་ཤིག་ཅེས་སྨྲོས་ཤིག་།
428b6 འཐུང་ན་དེ་ལ་ཚིག་འདི་སྐད་དུ་གལ་ཏེ་ཁྱི་དུང་ཁྱོད་ཚེ་སྔ་མ་ལ་ངའི་ཕ་ཏོའུ་ཏེ་ཡར་གྱུར་པ་ལྟ་ན། ཁྱོད་འཆི་བའི་དུས་ཀྱི་ཚེ་བདག་དབང་བ་གང་ཡོད་པ་ང་ལ་མ་བསྟན་པ་དེ་སྟོན
428b7 ཅིག་ཅེས་སྨྲོས་ཤིག་དང་སྟོན་པར་འགྱུར་རོ། །དེ་ནས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོས་བཅོམ་ལྡན་འདས་ཀྱིས་གསུངས་པ་བཟུང་སྟེ། ཀུན་ཆུབ་པར་བྱས་ནས་རང་གི་ཁྱིམ་ག
iiif viewer powered by OpenSeadragon
