| e-texts navigator |
| Wylie |
428a1 ཁྱི་དུང་ཁྲོས་འཁྲུགས་ཚིག་པ་ཟོས་ཏེ་ཡི་མ་རངས་ནས། རས་ཀོ་ནི་ཀ་བཏིང་བའི་ཁྲི་ལས་བབས་ཏེ། ཁྲིའི་འོག་ན་གཏོར་ཁུང་གི་ཤིང་གི་ཝྭ་ལ
428a2 འདུག་གོ་། གོའུ་ཏ་མ། ཁྱོད་ཀྱིས་ཁྱི་དུང་ཚེ་སྔ་མ་ལ་བདག་གི་ཅིར་མཆི་མཁྱེན་ཏམ། བྲམ་ཟེའི་ཁྱེའུ། ཁ་རོག་འདུག་ལ་ང་ལ་དོན་འདི་མ་འདྲི་ཞིག་།ཁྱོད་ཀུན་ཏུ་གནོད
428a3 སེམས་སུ་འགྱུར་བ་དང་། མི་བཟོད་པ་དང་། སེམས་ཡིད་མི་བདེ་བར་འགྱུར་དུ་འོང་ངོ་། །ལན་གཉིས་ལན་གསུམ་དུ་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོས་བཅོམ
428a4 ལྡན་འདས་ལ་འདི་སྐད་ཅེས་གསོལ་ཏོ། །གོའུ་ཏ་མ་ཁྱོད་ཀྱིས་ཁྱི་དུང་ཚེ་སྔ་མ་ལ་བདག་ཅག་གི་ཅིར་མཆི་མཁྱེན་ཏམ། བཅོམ་ལྡན་འདས་ཀྱིས་ཀྱང་ལན་གཉིས
428a5 ལན་གསུམ་དུ་ཏོའུ་ཏེ་ཡེའི་བུ་བྲམ་ཟེའི་ཁྱེའུ་ནེ་ཙོ་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ། ཁ་རོག་འདུག་ལ་ང་ལ་དོན་འདི་མ་འདྲི་ཞིག་།ཁྱོད་ཀུན་ཏུ
428a6 གནོད་སེམས་སུ་འགྱུར་བ་དང་། མི་བཟོད་པ་དང་། སེམས་ཡིད་མི་བདེ་བར་འགྱུར་དུ་འོང་ངོ་། །བྲམ་ཟེའི་ཁྱེའུ་ཁྱོད་ལན་གསུམ་གྱི་བར་དུ་དོན་འདི་ངེས་པར
428a7 མ་ཐོབ་པས་འདྲི་ན། དེའི་ཕྱིར་བྲམ་ཟེའི་ཁྱེའུ་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །བྲམ་ཟེའི་ཁྱེའུ། ཁྱོད་ཀྱི་ཕ་ཏོའུ་ཏེ་ཡ་གང་ཡིན་པ་དེ
iiif viewer powered by OpenSeadragon
