| e-texts navigator |
| Wylie |
426b1 ཕྱིར་ཕྱི་རོལ་དུ་བྱུང་བ་ལས། དེ་ནས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་སླར་ལོག་པ་དང་། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོས་ཁྱི་དུང་ཁྲིའི་འོག་ན་གཏོར་ཁུང་གི་ཝཱ་ལ་འདུག
426b2 པ་མཐོང་ངོ་། །མཐོང་ནས་ཀྱང་ནང་མི་ལ་སྨྲས་པ། ཁྱོད་ཀྱི་ཁྱི་དུང་འདི་ལ་ཅི་ཞིག་སྨྲས། ཇོ་བོ། བདག་ཅག་གང་གིས་ཀྱང་ཁྱི་དུང་ལ་ཅི་ཡང་མ་སྨྲས་སོ། །དེ་ལྟ་ལགས་མོད་ཀྱི
426b3 དགེ་སྦྱོང་གོའུ་ཏ་མ་བྱོན་པར་གྱུར་ཏེ། ཁྱི་དུང་གིས་དགེ་སྦྱོང་གོའུ་ཏ་མ་སྒོ་དྲུང་ན་བཞུགས་པ་མཐོང་ངོ་། །མཐོང་ནས་ཀྱང་འ་འུ་ཞེས་ཟུགས་པ་དང་། དགེ་སྦྱོང་གོའུ་ཏ་མས་དེ
426b4 ལ་འདི་སྐད་ཅེས་བཀའ་སྩལ་ཏེ། ཁྱི་དུང་ཁྱོད་ཀྱེ་ཞེས་བྱ་བ་ལས་འ་འུ་ཞེས་ཟུགས་པར་གྱུར་ན། དེས་ཀྱང་མ་དུལ་ལམ། དེ་སྐད་ཅེས་བཀའ་སྩལ་པ་དང་། ཁྱི་དུང་ཁྲོས
426b5 འཁྲུགས་ཚིག་པ་ཟོས་ཏེ་ཡི་མ་རངས་ནས། རས་ཀོ་ནི་ཀ་བཏིང་བའི་ཁྲི་ལས་བབས་ཏེ། ཁྲིའི་འོག་ན་གཏོར་ཁུང་གི་ཤིང་གི་ཝཱ་ལ་འདུག་གོ་།དེ་ནས་བྲམ་ཟེའི་ཁྱེའུ་ནེ་ཙོ་ཁྲོས
426b6 འཁྲུགས་ཚིག་པ་ཟོས་ཏེ་ཡི་མ་རངས་ནས་མཉན་དུ་ཡོད་པ་ནས་བྱུང་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དེར་སོང་ངོ་། །དེའི་ཚེ
426b7 བཅོམ་ལྡན་འདས་དགེ་སློང་བརྒྱ་ཕྲག་དུ་མའི་འཁོར་གྱི་མདུན་ན་ཆོས་སྟོན་ཅིང་བཞུགས་ཏེ། བཅོམ་ལྡན་འདས་ཀྱིས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་རྒྱང་རིང་པོ་ནས་འོང
iiif viewer powered by OpenSeadragon
