| e-texts navigator |
| Wylie |
425a1 མི་ལྷུང་ངོ་། །ཡང་བྱང་ཆུབ་སེམས་དཔའ་ཤེས་རབ་ཡེ་ཤེས་ལ་བཀའ་སྩལ་པ། རིགས་ཀྱི་བུ་དང་། རིགས་ཀྱི་བུ་མོ་གང་ལ་ལ་ཞིག་ལས་ཀྱི་རྣམ
425a2 པར་སྨིན་པའི་འབྲས་བུའི་མདོ་འདི་ཐོས་ནས་ལག་ཏུ་འཆང་བ་དང་། འདོན་པ་དང་། སྤོས་དང་། མེ་ཏོག་དང་། མར་མེ་རྣམས་ཅི་འབྱོར་པས་མཆོད་པར་བྱེད་ན། གལ
425a3 ཏེ་དེ་ལ་ཚེ་སྔ་མའི་ལན་ཆགས་པ་དང་། ཚེ་འདི་ལ་སྡིག་པ་བསགས་པ་ཐམས་ཅད་རྣམ་པར་དག་ཅིང་བྱང་བར་འགྱུར་རོ། །དེ་ལྟར་བྱས་ན་མ་འོངས་པའི་རྣམ་པར
425a4 སྨིན་པའི་འབྲས་བུ་ནི་ལོངས་སྤྱོད་དང་ལྡན་པ་དང་། དབང་ཕྱུག་ཀྱང་མི་འབྱུང་བར་དོགས་པར་མི་བྱའོ། །སྐྱེ་བ་ཐམས་ཅད་དུ་གཟུགས་བཟང་བ་དང་ལྡན་པར
425a5 འགྱུར་རོ། །ཡེ་ཤེས་དང་། ཤེས་རབ་དང་། མཆོག་ཏུ་དགའ་བ་ཐོབ་པའི་ཕྱིར་ལས་ཀྱི་རྣམ་པར་སྨིན་པ་ཡོན་ཏན་བསམ་གྱིས་མི་ཁྱབ་པའི་ཚིགས་སུ་བཅད་པ
425a6 ལས་ཤེས་པར་བྱའོ། །མི་ཡི་ལུས་ནི་ཐོབ་པ་དཀའ། །སངས་རྒྱས་བསྟན་པ་ཐོས་པ་དཀའ། །དགེ་བའི་སེམས་ནི་བསྐྱེད་པ་དཀའ། །དམ་པའི་ཆོས་ནི་ཤེས་པ
425a7 དཀའ། །སངས་རྒྱས་འདོད་ན་གསུང་རབ་སྒྲོག་བརྩོན་བྱ། །དགེ་སེམས་འདོད་ན་ཞེ་སྡང་མི་བྱའོ། །འབྲས་བཟང་འདོད་ན་མཆོད་པ་རྟག་ཏུ་བྱ། །ཚེ་རིང་འདོད་ན་སྲོག
iiif viewer powered by OpenSeadragon
