| e-texts navigator |
| Wylie |
424b1 མིག་མི་གསལ་བ་ནི་སེམས་ཅན་གྱི་མིག་ལ་གནོད་པ་བྱས་པ་ཡིན་ནོ། །ཚེ་འདི་ལ་བུ་མེད་པ་ནི་སེམས་ཅན་དུ་མ་བསད་པ་ཡིན་ནོ། །ལུས་ཡོན་པོ་དང་། ཡན་ལག་ན་བ་ནི་སེམས
424b2 ཅན་དུ་མ་བཅིངས་པ་དང་། དོལ་ལ་སེམས་ཅན་བཟུང་བ་ཡིན་ནོ། །འོད་གསལ་བ་ཡང་མི་མཐོང་བ་ནི་བྱའི་མིག་ལ་ཁབ་སྐུད་ཀྱིས་བརྩེམས་པ་ཡིན་ནོ། །རྒས་ནས་རབས་ཆད
424b3 པ་ནི་སྒོ་ང་བཅག་པས་ཡིན་ནོ། །ཚེ་འདི་ལ་ཕོ་རེང་དུ་གྱུར་པ་ནི་ཆུང་མ་ལ་སེམས་སྡང་བས་ཡིན་ནོ། །བུད་མེད་ཁྱིམ་ཐབ་མེད་པ་ནི་ཁྱིམ་ཐབ་ལ་སེམས་སྡང་བས་ཡིན་ནོ། །
424b4 ཕོ་མོ་རྟག་ཏུ་སོ་སོར་ངེས་པ་ནི་ཕ་མ་ལ་མ་གུས་པ་དང་སྤྱོད་པ་ངན་པ་བྱས་པས་ཡིན་ནོ། །ཚེ་འདི་ལ་དབུལ་བ་ནི་ཟས་དང་། ནོར་ལ་སྡང་བ་ཡིན་ནོ། །མིའི་ལུས་ཡན་ལག་ཚང
424b5 བ་དང་ལྡན་པ་ནི་དཀོན་མཆོག་གསུམ་ལ་དད་པ་ཐོབ་པས་ཡིན་ནོ། །རིགས་ཀྱི་བུ་དང་། རིགས་ཀྱི་བུ་མོ་རྣམས་ལ་བརྩེ་བས་སྨྲ་བར་བྱའོ། །རྟག་ཏུ་དང་བ་དང་། གུས་པར་བྱའོ། །
424b6 གཉེན་མཚམས་ལ་མཐུན་པར་བྱའོ། །ཕ་མར་དད་པར་བྱའོ། །སྐྱེ་བ་གཅིག་སྲོག་མི་གཅོད་ན་མི་མཐུན་པའི་དགྲ་རྣམས་ཀྱང་མེད་དོ། །ཚེ་གཅིག་ཏུ་མི་རྐུན་རྒྱལ་པོའི་ཆད
424b7 པ་མི་འབྱུང་ངོ་། །སྐྱེ་བ་གཅིག་ལ་ཆགས་སྡང་མི་རྩོད་ན་ཆད་པའི་རིགས་དང་། བཙོན་ཁང་ཡང་མི་མཐོང་ངོ་། །སྐྱེ་བ་གཅིག་ལ་སེམས་མཉམ་པ་ཉིད་བསྒོམས་ན་དམྱལ་བར
iiif viewer powered by OpenSeadragon
