| e-texts navigator |
| Wylie |
423a1 ལོའི་མདོ་རྫོགས་སོ། ། །།རྒྱའི་སྐད་དུ། ཅུའི་བྷཽའི་ཡཱ་ནི་གོ་གྱིང་། བོད་སྐད་དུ། ལས་ཀྱི་རྣམ་པར་སྨིན་པའི་འབྲས་བུའི
423a2 མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ
423a3 རྒོད་ཀྱི་ཕུང་པོའི་རི་ལ། བྱང་ཆུབ་སེམས་དཔའ་སེམས་དཔའ་ཆེན་པོ་མང་པོ་ཁྲི་ཕྲག་བཅུའི་འཕགས་པའི་ཚོགས་རྣམས་དང་། དགེ་སློང་དང་། དགེ་སློང་མ་དང་།
423a4 དགེ་བསྙེན་དང་། དགེ་བསྙེན་མ་དང་། ཀླུ་ཆེན་བརྒྱད་དང་། ཕྱོགས་སྐྱོང་རྣམས་དང་། སྲིན་པོ་དང་། ལྷ་མ་ཡིན་དང་། མིའམ་ཅི་དང་། ལྷ་དང་། མི་དང་། དྲི་ཟར
423a5 བཅས་པའི་ཚོགས་ཐམས་ཅད་བཅོམ་ལྡན་འདས་ལ་སེམས་རབ་ཏུ་དང་ཅིང་ཆོས་ཉན་པའི་ཕྱིར་འཁོད་དོ། །དེའི་ཚེ་བྱང་ཆུབ་སེམས་དཔའ་ཤེས་རབ་ཡེ་ཤེས
423a6 ཞེས་བྱ་བ་སྟན་ལས་ལངས་ཏེ་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འཇིག་རྟེན་གྱི་ཁམས་ཁྲི་ཕྲག་བརྒྱད་དང
423a7 སྟོང་ཕྲག་བཞིའི་ཞིང་ཁམས་བལྟ་བར་བྱས་པས་དེར་སྐྱེས་པའི་མི་རྣམས་ལ་དགེ་བའི་རྩ་བ་རྣམ་པར་སྨིན་པའི་འབྲས་བུ་དུ་མ་ཡོད་དེ། འདོད་ཆགས་དང་། ཞེ
iiif viewer powered by OpenSeadragon
